શાસ્ત્રોક્ત વિધિથી શસ્ત્ર પૂજન,જાંબુઘોડા પોલીસ મથકે દશેરા પર્વ નિમિત્તે પોલીસ અધિકારીઓએ શસ્ત્ર પૂજન કર્યું

રિપોર્ટર. કાદિર દાઢી.હાલોલ

તા.૧૨.૧૦.૨૦૨૪

જાંબુઘોડા પોલીસ મથકે આજે શનિવારના રોજ દશેરા નિમિત્તે શાસ્ત્રોકત વિધિથી શસ્ત્ર પૂજન કાર્યક્રમ યોજાયો હતો.જેમાં જાંબુઘોડા પોલીસ મથકના PSI પી.આર.ચુડાસમા સહિત અધિકારીઓ તેમજ પોલીસ કર્મચારીઓ ઉપસ્થિત રહીને શાસ્ત્રોકત વિધિથી શસ્ત્ર પૂજન કરવામાં આવ્યું હતું.અસત્ય પર સત્યના વિજય એટલે વિજયાદશમી, વિજયાદશમીની દેશભરમાં ઠેર-ઠેર રાવણ દહન કરવામાં આવે છે. તેમજ શક્તિરૂપે હથિયારોની શાસ્ત્રોકત વિધિથી પૂજન કરી દશેરા પર્વની ઉજવણી કરવામાં આવે છે.આજે દશેરાનો તહેવાર સમગ્ર દેશમાં ઉજવાઇ રહ્યો છે ત્યારે આ શસ્ત્ર પૂજન બ્રાહ્મણો દ્વારા વિધિ સર કરાવવામાં આવ્યું હતું અને જાંબુઘોડા નગરમાં સુલેહ શાંતિ જળવાઈ રહે તે માટે પ્રાર્થના કરવામાં આવી હતી.

Sorry, there was a YouTube error.