રિપોર્ટર. કાદીર દાઢી.હાલોલ
તા.૨૧.૧૨.૨૦૨૪
હાલોલ નગરના અરાદ રોડ ખાતે આવેલ હજરત સૈયદ રોશનઅલી બાબાના 67માં ઉર્ષ ની ઉજવણી તા.19 ડીસેમ્બર અને 20 ડિસેમ્બર એમ બે દિવસીય ઉજવણી હર્ષલ્લાસપૂર્વક કરવામાં આવી હતી.જ્યારે ઉજવણીના પ્રથમ દિવસે બાદશાહ બાબાની દરગાહ ખાતેથી સંદલ શરીફનુ જુલૂસ નીકળ્યું હતું જે નગરના મુખ્ય માર્ગો પર થઇ દરગાહ ખાતે પહોંચ્યું હતું અને સંદલ શરીફની રસમ અદા કરાઈ હતી જેમાં ખાનકાહે એહલે સુન્નતનાં ગાદીપતી સૈયદ અમિરુદ્દુંન બાબા કાદરી ના હાથોથી સંદલ શરીફની રસમ અદા કરાઈ હતી.જેમાં સૈયદ રફીકઅલી હુશેનઅલી તેમજ સૈયદ નુરુદ્દીન રૂકનુદ્દિન ઉર્ફે મુનાફ બાપુ ના પુત્ર પણ હાજર રહ્યા હતા રાત્રે રાતીબે રીફાઈ નો ભવ્ય જલસો યોજાયો હતો જ્યારે ઉર્ષ નાં બીજા દિવસે દરગાહ ખાતે મેહફીલે મિલાદ અને ખત્મે કાદરીયા નો ભવ્ય કાર્યક્રમ યોજાયો હતો અને સલાતો સલામ અને દુઆ કરવામાં આવી હતી જ્યારે દરગાહ કમિટી દ્વારા ભવ્ય નીયાઝનું આયોજન કરાયું હતું જેમા મોટી સંખ્યામા જાયરીનોએ નીયાઝ નો લાભ લીધો હતો આ પ્રસંગે હાલોલ,કાલોલ,વડોદરા, રાજપીપળા,ડભોઇ,બોરુ, ગોધરા તેમજ બોમ્બે સહિત થી શ્રદ્ધાળુઓ મોટી સંખ્યામાં ઉમટયા હતા.જ્યારે સૈયદ રોશનઅલી બાબાની દરગાહ હિન્દુ અને મુસ્લિમ એકતાનું પ્રતીક છે જેથી તેઓના માનમાં દર વર્ષે ઉર્ષ ની ઉજવણી હર્ષ ઉલ્લાસના વાતાવરણમાં કરવામાં આવે છે.જેમાં હિન્દુ અને મુસ્લિમ બિરાદરો મોટી સંખ્યામાં દરગાહ ખાતે આવે છે.જ્યારે ઉર્ષ નિમિત્તે દરગાહને ફૂલો તથા રોશનીથી શણગાર પણ કરવામાં આવ્યો હતો.
