વાત્સલ્મ સમાચાર,બળવતસિંહ ઠાકોર.વિસનગર..
આરોગ્યમંત્રીશ્રી ઋષિકેશભાઈ પટેલે આજરોજ વિસનગર તાલુકાના ભાલક ખાતે વિસનગર તાલુકા રાવળ યોગી વિકાસ ટ્રસ્ટ દ્વારા ચતુર્થ સમૂહ લગ્નમાં પ્રેરક હાજરી આપી હતી .રાવળ સમાજની ૩૨ દીકરીઓના સમૂહ લગ્નમાં ખાસ ઉપસ્થિત રહી પ્રભુતામાં પગલાં માંડનાર નવ દંપતીઓને મંત્રીશ્રીએ સુખી દામ્પત્ય જીવનના આશીર્વાદ આપ્યા હતા.
” ખોટા ખર્ચ અસહ્ય મોંઘવારી અટકાવવા તેમજ ગરીબ બાપની દીકરી પણ લગ્ન કરી શકે એવા સારા આશય થી હવે નાના સમાજો સમાજની દીકરીઓના હાથ પીળા કરવા હવે આગળ આવ્યા છે. જેના ભાગ રૂપે આજે વિસનગર તાલુકા રાવળ યોગી વિકાસ ટ્રસ્ટ દ્વારા સમાજની ૩૨ દીકરીઓ ના સમૂહ લગ્ન યોજયા છે એમ જણાવી તે માટે સમાજના આગેવાનો અને યુવાનોને મંત્રીશ્રીએ શુભેચ્છા પાઠવી હતી
આરોગ્ય મંત્રીશ્રી ઋષિકેશભાઈ પટેલે વધુમાં જણાવ્યું હતું કે,” રાવળ યોગી સમાજમાં એકતાના દર્શન થઈ રહ્યા છે . ખાસ રાવળ યોગી સમાજે આજે એક છત નીચે સમાજ ની ૩૨ દીકરીઓ ને લગ્ન કરાવી ખૂબ સારુંકાર્ય કર્યું છે જે બદલ તેમણે આયોજકો ને અભિનંદન આપ્યા હત અને રાવળ સમાજ માટે જણાવ્યું હતું કે સ્વભાવે માયાળુ પણ મહેનત માટે આ સમાજ મક્કમ રહ્યો છે. મહેનત કરવામાં ક્યારેય પાછી પાની કરી નથી ત્યારે આવનાર સમયમાં સમાજ માં સારા શિક્ષણ નું વાવેતર કરી આવનાર પેઢી માટે ખુશાલી, સમૃદ્ધિ તેમજ વિકાસ માટે સહભાગી બને. આ કામ આપણે સૌએ કરવાનું છે ખાસ કરીને તેમણે યુવાનોને વધુ ને વધુ શિક્ષણ લેવા માટે આગ્રહ કર્યો હતો. ખાસ દાતાઓના સહયોગથી અને સમાજ ના સહયોગથી આ સમૂહ લગ્ન યોજવામાં આવ્યો છે તે પ્રસંશનીય છે. ભણતર પર ભાર આપી આવતી પેઢીનું ચણતર થાય તેવું કરીએ એમ પણ આરોગ્ય મંત્રીશ્રીએ જણાવ્યું હતું
આ પ્રસંગે વિસનગર તાલુકા રાવળ વિકાસ ટ્રસ્ટના પ્રમુખ બલુભાઈ રાવળ, ગુજરાત યોગી વિકાસ મંડળ પ્રમુખ દેવેન્દ્ર ભાઈ રાવળ સહિત સમાજના અગ્રણીઓ અને લોકો ઉપસ્થિત રહયા હતા.
