હાલોલ નગરમાં ઉર્સે સૈયદના ઉસ્માને ગની (ર.અ.)ના ઉર્સ નિમિત્તે ભવ્ય ઝુલુસ નીકળ્યુ.
રિપોર્ટર.કાદિર દાઢી.હાલોલ
તા.૧૫.૬.૨૦૨૫
હાલોલ નગરમાં આજે રવિવારના રોજ ઉર્સે સૈયદના ઉસ્માને ગની (ર.અ.)ની યાદમાં ઉર્સ ની ઉજવણી હર્ષ ઉલ્લાસ અને ધાર્મિક વાતાવરણમાં કરવામાં આવી હતી.જેમાં વડોદરાના ખાનકાહે એહેલે સુન્નતનાં માર્ગદર્શન હેઠળ હાલોલ પાવાગઢ રોડ પર આવેલ હઝરત બાદશાહ બાબાની દરગાહ ખાતેથી નાના ભૂલકાંઓનુ ભવ્ય જુલૂસ નીકળ્યુ હતું.જેમાં હાલોલ નગરના મદ્રેસાઓના નાના ભૂલકાઓ અને નાની બાળાઓ અને મુસ્લિમ સમુદાયના આગેવાનો ઉપસ્થિત રહ્યા હતા.ઇસ્લામ ધર્મના પેગંબર સાહેબના દામાદ હઝરત સૈયદના ઉસ્માને ગની (ર.અ.)ની યાદમાં આ ઉર્સની ઉજવણી દર વર્ષે કરવામાં આવે છે જેને લઈને આજે રવિવારે પણ હાલોલ ખાતે ઉજવણી કરવામાં આવી હતી.જેમાં આ જુલુસ નગરના મુખ્ય માર્ગો પર થઈ હાલોલના લીમડી ફળિયા અમીરે મિલ્લત ચોક ફૂલશહિદ બાબાની દરગાહ ખાતે આવી પહોંચ્યું હતું અને ત્યારબાદ સલાતો સલામ અને દુઆ કરવામાં આવી હતી જ્યારે રઝા યંગ સર્કલ કમિટી દ્વારા નિયાઝ તકસીમ કરવામાં આવી હતી.જેમાં મોટી સંખ્યામાં નાના ભૂલકાઓ અને મુસ્લિમ સમુદાયના આગેવાનો જોડાયા હતા.
