અરવલ્લી
અહેવાલ :હિતેન્દ્ર પટેલ
અરવલ્લીના ધનસુરા તાલુકામાં સ્વચ્છતા હી સેવા કાર્યક્રમ અંતર્ગત બેટરી સંચાલિત ટ્રિપર વાહનનું લોકાર્પણ
સ્વચ્છ ભારત મિશન અને સ્વચ્છતા હી સેવા કાર્યક્રમના ભાગરૂપે અરવલ્લી જિલ્લાના ધનસુરા તાલુકાના ગામોમાં ઘન અને પ્રવાહી કચરા વ્યવસ્થાપનને વધુ સુદૃઢ કરવા માટે ડોર-ટૂ-ડોર કચરા સંગ્રહ માટે બેટરી સંચાલિત ટ્રિપર વાહનનું લોકાર્પણ કરવામાં આવ્યું છે.આ પર્યાવરણલક્ષી પહેલ ગામડાઓમાં સ્વચ્છતાને પ્રોત્સાહન આપવા અને કચરા વ્યવસ્થાપનને વધુ કાર્યક્ષમ બનાવવા માટે એક મહત્વપૂર્ણ પગલું છે.બેટરી સંચાલિત ટ્રિપર વાહન દ્વારા ગામડાઓમાં નિયમિત અને વ્યવસ્થિત રીતે કચરો એકત્ર કરવામાં આવશે, જેનાથી ગામની સ્વચ્છતા જળવાશે અને પર્યાવરણનું રક્ષણ થશે. આ કાર્યક્રમ ગ્રામજનોમાં સ્વચ્છતા પ્રત્યે જાગૃતિ લાવવા અને ગામડાઓને સ્વચ્છ અને સુંદર બનાવવા માટે પ્રેરણારૂપ બનશે.
આ લોકાર્પણ જિલ્લા પંચાયતના માનનીય સદસ્યઓ તાલુકા પંચાયતના પ્રમુખ તાલુકા પંચાયતના સદસ્ય ઓ, તાલુકા વિકાસ અધિકારી સાહેબ તથા તાલુકા સ્ટાફની ઉપસ્થિતિમાં યોજાયો હતો.આ પ્રસંગે જિલ્લા અને તાલુકા પંચાયતના સદસ્યો તેમજ અધિકારીઓએ સ્વચ્છ ભારત મિશનના ઉદ્દેશ્યોને સફળ બનાવવા ગ્રામજનોને સહયોગ આપવા અપીલ કરી હતી.
