અહેવાલ
અરવલ્લી :હિતેન્દ્ર પટેલ
મેઘરજ : ગેડ પાટિયા થી નવાગામ,રખાપુર વાયા ઇસરી ખાતેના રસ્તાની કેટલીક જગ્યાએ સાઈડોનું માટી કામ અધૂરું, ફળી ગરનાળુ બેસે તો નવાઈ નહિ…!
ચોમાસાની ઋતુ ચાલુ છે અને કેટલાક નવીન રસ્તાઓનું કામ અને રીપેરીંગ રસ્તાઓ નું કામ પૂર્ણ કાંતો પ્રગતિ પર છે પરંતુ જે સમયે રસ્તાઓનું કામ પૂર્ણ થાય છે ત્યારે અમુક કોન્ટ્રાકટરો દ્વારા રસ્તાઓની સાઈડો માટેનું માટી કામ કેટલેક અંશે પૂર્ણ કરવામાં આવતું નથી જેના કારણે સિંગલ રસ્તા પર વાહન ચાલકો ને મુશ્કેલીઓ પડતી હોય છે.
મેઘરજ તાલુકામાં ગેડ પાટિયા થી નવાગામ, રખાપુર, ઇસરી સુધી નું એક કરોડ થી વધુ રકમ નું ડામર રોડ નું કામ મંજુર થયેલ અને હાલ ડામર કામ અને ગરનાળા નું કામ પૂર્ણ થઇ ગયેલ છે પરંતુ હજુ પણ કેટલીક જગ્યાએ ડામર રોડની સાઈડો માં જે માટી કામ કરવાનું હોય છે તે અમુક અંશે પૂર્ણ કરેલ નથી જેના કારણે સિંગલ રસ્તો હોવાથી વાહન ચાલકોને સાઈડ આપવામાં અગવડતા પડે છે અને અકસ્માત નો ભય રહેતો હોય છે ત્યારે આ બાબતે માર્ગ અને મકાન વિભાગ દ્વારા ધ્યાન દોરવામાં આવે અને બાકીનું માટી કામ પૂર્ણ કરવામાં આવે તેવી માંગ સેવાઈ રહી છે હાલ ચોમાસાની ઋતુ ચાલુ છે જેના કારણે સાઈડોનું માટી કામ ન થવાતી ગેડ તરફ જતા રસ્તાની સાઈડો માટી થી ભરવામાં આવે અને બાકી રહેલ અન્ય જગ્યાએ પણ માટી કામ કરવામાં આવે તેવી માંગ છે વધુમાં હાલ ચોમાસાના પહેલા પહેલા જ વરસાદે બન્યે ગરનાળા પર ભૂવા પડ્યા હતા જ્યાં જે તે વિભાગે ધ્યાને લઇ હાલ માત્ર ગરનાળા પર કપચી નાખી ને સંતોષ માન્યો છે પરંતુ હાલ પણ કપચી નાખ્યા બાદ પણ એક ગરનાળુ બેસવા લાગ્યું છે ત્યારે આ બાબતે માર્ગ અને મકાન વિભાગ જાગે અને ફરીથી મોટો ભૂવો પડે એના પહલાં પાકું કામ કરે તે જરૂરી છે
