ઝઘડિયા તાલુકાના તરસાલી ખાતે શૈખુલ ઇસ્લામ ટ્રસ્ટ દ્વારા નવમો સમૂહ લગ્નોત્સવનું આયોજન કરાયું
જેમાં ૧૫ યુગલો નિકાહના પવિત્ર બંધનમાં જોડાઇને સાંસારિક જીવણો પ્રારંભ કર્યો હતો…
સમાજમાંથી કુરિવાજો, ખોટા ખર્ચા દુર કરવાના શુભાશય સાથે સાંપ્રત મોંધવારીના યુગમાં દરકે સમાજના મોભીઓ પોતાનો સમાજ વ્યર્થ ખર્ચાઓથી દુર રહે એ માટે સમુહ લગ્નોત્સવ કાર્યક્રમો આયોજિત કરતા હોય છે. ભરૂચ જિલ્લાના ઝઘડિયા તાલુકાના તરસાલી ગામ ખાતે આજરોજ જાનસીને શૈખુલ ઇસ્લામ સૈયદ મોહમ્મદ હમઝા અશરફ કીછોછવી ની ઉપસ્થિતિમાં ૯ માં સમૂહ લગ્નોત્સવનું આયોજન કરવામાં આવ્યું હતું,આ સમૂહ લગ્નોત્સવમાં ૧૫ જોડાઓ નિકાહના પવિત્ર બંધનમાં જોડાયા હતા, શૈખુલ ઇસ્લામ ટ્રસ્ટ તરસાલી દ્વારા દુલ્હનોને ને પેટી પલંગ, કબાટ, રેફ્રિજરેટર, જેવી ઘર વપરાશની ૬૫ જેટલી વસ્તુઓ ભેટ આપવામાં આવી હતી, સમાજમાંથી ખોટા અને કુરિવાજો દૂર કરવા અને ખોટા ખર્ચાઓથી બચાવવા તેમજ સમાજના સમય, શક્તિ નાણાની બચત થાય તેવા ઉદ્યેસ્યથી સમૂહ શાદી નું આયોજન કરવામાં આવે છે, લગ્નોત્સવમાં ફ્રી ઉમરાહ પેકેજ માટે તમામ દુલ્હા દુલ્હનો ના નંબર નો લકી ડ્રો કરવામાં આવ્યો હતો જેમાં જોડા નંબર બીજાનું નામ ડ્રોમાં નીકળતા દુલ્હા મલેક કલીમ અશરફ અને દુલ્હન મલેક સનમને ફ્રી માં મક્કા મદીના ઉમરાહ કરવા મોકલવાની જાહેરાત કરવામાં આવી હતી,કાર્યક્રમના અંતિમ ચરણમાં બાવા સાહેબ દ્રારા ખુતબો, સલાતો સલામ અને દુવા ગુજારવામા આવી હતી આયોજિત સમૂહ લગ્નોત્સવમાં જાનશીનએ શૈખુલ ઇસ્લામ સૈયદ મોહમ્મદ હમઝા અશરફ કીછોછવી,શૈખુલ ઇસ્લામ ટ્રસ્ટ તરસાલીના સભ્યો, ઝઘડિયા વિધાનસભાના ધારાસભ્ય રીતેશભાઈ વસાવા,મર્હુમ ઇમ્તિયાઝઅલી બાવાના પુત્ર સૈયદ પરવેઝ બાબા, પ્રિયાંકભાઈ દેસાઈ, બચુભાઈ માસ્ટર, કનુભાઈ વસાવા તેમજ ખ્વાજા નસરુદ્દીન ચિશ્તી ટ્રસ્ટ તરસાલી બ્રાંચના સભ્યો, આયોજનમાં મદદરૂપ થનાર સખી દાતાઓ અને મહાનુભાવો તેમજ ગામના આગેવાનો ઉપસ્થિત રહ્યા હતા, આયોજિત કાર્યક્રમને સફળ બનાવવા માટે શૈખુલ ઇસ્લામ ટ્રસ્ટ તરસાલી 92 બ્રાન્ચના સભ્યો અને ગામના યુવાનોએ ભારે જહેમત ઉઠાવી કાર્યક્રમને પાર પાડ્યો હતો
ઈરફાનખત્રી
રાજપારડી
