26 નવેમ્બર 2025
અહેવાલ :- હર્ષલ ખંધેડિયા :- જામનગર
જામનગર જિલ્લાના કાલાવડ તાલુકા કક્ષાની વિકસિત ગુજરાત ૨૦૪૭ અંતર્ગત કલા ઉત્સવનું ભવ્ય આયોજન કાલાવડ બી.આર.સી. દ્વારા કરવામાં આવ્યુ.. કાલાવડ શહેરમાં વ્રજકુંવરબેન કન્યા શાળા ખાતે ગુજરાત 2047 અંતર્ગત કલા ઉત્સવ 2025 માં ચિત્ર સ્પર્ધા, બાળકવિ સ્પર્ધા, સંગીત ગાયન અને સંગીત વાદન સ્પર્ધામા કાલાવડ તાલુકાની પ્રાથમિક શાળાનાં કુલ મળીને 44 વિધાર્થીઓએ ભાગ લીધેલ હતો. 
જેમાં દરેક વિભાગમાંથી પ્રથમ, બીજો અને ત્રીજો નંબર આવેલ વિધાર્થીને રોકડ ઈનામ તેમજ ભાગ લીધેલ તમામ વિધાર્થીઓને શૈક્ષણિક કીટ અને પ્રમાણપત્રથી પ્રોત્સાહિત કરવામાં આવેલ.
આ કાર્યક્રમમાં તા. પ્રા. શિ. રાજભા જાડેજા સાહેબ હાજર રહયા હતા. સમગ્ર કાર્યક્રમનું આયોજન બી.આર.સી. કો- ઓર્ડિનેટર સાજીતભાઈ દોદાઈ તેમજ HTAT આચાર્ય ધીરેનભાઈ પાટલીયા, સી.આર.સી.કો.ઓર્ડિનેટર તમામ, બી.આર.સી. સ્ટાફ દ્વારા કરવામાં આવ્યુ હતુ. જેમા વિજેતા ટીમોના માર્ગદર્શક શિક્ષક અને વિધાર્થીઓએ ખૂબ જ ઉત્સાહ પૂર્વક ભાગ લઈ સ્પર્ધાને ખૂબ જ રસપ્રદ બનાવી હતી. સમગ્ર કાર્યક્રમનું સંચાલન ભટ્ટ કાર્તિકભાઈ અને કોઠીયા ભીખાલાલ દ્વારા કરવામાં આવ્યું.
