MORBI:મોરબીના ખાટકીવાસ નજીક તીક્ષણ હથિયારના ઘા ઝીંકી મોડી રાત્રે યુવાનની હત્યા
MORBI:મોરબીના ખાટકીવાસ નજીક તીક્ષણ હથિયારના ઘા ઝીંકી યુવાનની હત્યા
મોરબીમાં ફિલ્મી સ્ટાઇલથી કાર ઉપર કાર ચડાવીને હત્યા કરવાનો પ્રયાસ કરવામાં આવ્યો હતો અને ત્યારબાદ હુમલો પણ કરવામાં આવ્યો હતો જેની સાહી સુકાઈ નથી. ત્યાં રાત્રિના ત્રણથી ચાર વાગ્યાના અરસામાં મોરબીના ખાટીવાસ વિસ્તારમાં મમુદાઢીના રહેણાંક મકાન પાસે યુવાનને પૂઠના ભાગે તીક્ષ્ણ હથિયારના પાંચ જેટલા ઘા ઝીકિ દેવામા આવ્યા હતા. જેથી તે યુવાનોનું મોત નીપજ્યું હતું અને મૃતક યુવાનના મૃતદેહને પીએમ માટે મોરબીની સરકારી હોસ્પિટલ ખાતે લઈને આવ્યા હતા.
આ બનાવની મોરબી એ ડિવિઝન પોલીસ સ્ટેશન ખાતે જાણ કરવામાં આવતા પોલીસ તાત્કાલિક ઘટના સાથે પહોંચી હતી અને બનાવ સ્થળની આસપાસના સીસીટીવી કેમેરાના ફૂટેજ પોલીસ દ્વારા મેળવવામાં આવ્યા હતા અને મૃતક યુવાનની ઓળખ મેળવવા માટે પોલીસે તજવીજ શરૂ કરી હતી. દરમિયાન પોલીસ સુત્રો પાસેથી જાણવા મળતી માહિતી પ્રમાણે મૃતક યુવાન મોરબીના પરસોતમ ચોક વિસ્તારમાં રહેતો તોફિક ઉર્ફે ભાયલો ઈબ્રાહીમભાઇ ચાનિયા (30) હોવાનું સામે આવ્યું છે જો કે, તેને કોણે તીક્ષ્ણ હથિયારના ઘા માર્યા હતા અને શા માટે તેની હત્યા કરવામાં આવી છે હાલમાં અષાઢી બીજના બંદોબસ્ત વચ્ચે મોરબી સીટી એ ડિવિઝન પોલીસે તપાસનો ધમધમાટ શરૂ કર્યો છે.
