ખેડબ્રહ્મા જનવિશ્વાસ, સેવા અને સમર્પણના ૨૪ વર્ષ: ખેડબ્રહ્માના ખેરોજ ગામ ખાતે ‘વિકાસ સપ્તાહ’ની ઉત્સાહભેર ઉજવણી*
મુખ્યમંત્રીશ્રી ભૂપેન્દ્રભાઈ પટેલના નેતૃત્વ હેઠળ સુશાસનના ૨૪ વર્ષની ઉજવણીના ભાગરૂપે તા. ૭ થી ૧૫ ઓક્ટોબર દરમિયાન રાજ્યભરમાં ‘વિકાસ સપ્તાહ’ની શરૂઆત થઈ છે. આ ઉજવણીના સમાપનનાં ભાગરૂપે સાબરકાંઠાના ખેડબ્રહ્મા તાલુકાના ખેરોજ ખાતે તાલુકા પંચાયત પ્રમુખશ્રી રાંમાભાઇની ઉપસ્થિતિમા કાર્યક્રમનું આયોજન કરવામાં આવ્યું હતું. વિકાસ રથ ખેરોજ પહોંચતા ગ્રામજનો દ્વારા તેનું ઉષ્માભર્યું સ્વાગત કરવામાં આવ્યું હતું.
આ કાર્યક્રમમાં ઉપસ્થિત મહાનુભાવોના હસ્તે મહિલાઓને પોષણકીટ સહિત લાભાર્થીઓને વિવિધ લાભોનું વિતરણ કરવામાં આવ્યું હતું. કાર્યક્રમ દરમિયાન સૌ કોઈએ ‘વિકસિત ભારત’ અંગેની ફિલ્મ નિહાળી હતી અને ‘ભારત વિકાસ’ શપથ લીધા હતા. વિકાસ રથ દ્વારા ગ્રામજનોને સરકારની તમામ લોકકલ્યાણકારી યોજનાઓ અને સેવાઓ અંગેની વિસ્તૃત જાણકારી આપવામાં આવી હતી. મહાનુભાવોએ સરકાર દ્વારા અપાતી સહાયનો પૂરેપૂરો લાભ લેવા માટે ગ્રામજનોને આહવાન કર્યું હતું.
આ કાર્યક્રમમા અગ્રણીશ્રી માલજીભાઇ ખોખરીયા, સરપંચશ્રી સહિત વિવિધ પદાધીકારીશ્રીઓ, અધિકારીશ્રીઓ તેમજ ગ્રામજનો મોટી સંખ્યામાં ઉપસ્થિત રહ્યા હતા.
મેહુલ પટેલ સાબરકાંઠા
