વાત્સલ્યમ સમાચાર
મદન વૈષ્ણવ
ડાંગ જિલ્લા ખાતે સ્થાનિક સ્વારાજ્યની ચૂંટણીમાં “સા.શૈ.પછાત વર્ગ” (OBC) સમાજની બેઠકનો ઉમેરો કરવા બાબતે ભાજપના પૂર્વ ઉપપ્રમુખ અને પૂર્વ મહામંત્રી ગિરીશભાઈ મોદીએ ધારાસભ્ય વિજય પટેલને રજૂઆત કરી છે. જે રજુઆતમાં જણાવ્યા અનુસાર,ગત માસ તા.૨૩/૦૭/૨૦૨૫ ના રોજ ગુજરાત સરકાર દ્વારા ડાંગ જિલ્લામાં સ્થાનિક સ્વરાજની આગામી જિલ્લા પંચાયત અને તાલુકા પંચાયતની ચૂંટણી સબંધિત એક ગેઝેટ પ્રસિધ્ધ કરવામાં આવેલ છે. જે ગેઝેટ મુજબ ડાંગ જિલ્લામાં “સા.શૈ.પછાત વર્ગ” (OBC) સમાજની એક પણ બેઠક દર્શાવવામાં આવેલ નથી.ઉપરોકત બાબતમા હકીકતમા અત્યાર સુધી પાછલા એક ટર્મને બાદ કરતા “સા.શૈ.પછાત વર્ગ” (OBC) સમાજની બેઠકોનો સમાવેશ સ્થાનિક સ્વરાજની ચુંટણીઓ જેમ કે જિલ્લા પંચાયત, તાલુકા પંચાયત કે ગ્રામ પંચાયતોની ચૂંટણીઓમાં થતો આવેલ છે. ગત ટર્મ સને ૨૦૨૦-૨૧ માં આ “સા.શૈ.પછાત વર્ગ” (OBC) સમાજની બેઠકો ન આવતા સમગ્ર ગુજરાત રાજ્યમાં રાજકીય પક્ષો, વિરોધ પક્ષો અને જાગૃત નાગરીકો મારફત વાંઘા અને રજૂઆત કરવામા આવેલ હતી, જેમાં હમોએ પણ ડાંગ જિલ્લા ખાતે રજૂઆત કરવામાં આવેલ હતી અને ત્યાર બાદ સરકાર દ્રારા આ બાબતે સતર્કતા દાખવી “સમર્પિત આયોગ” ની ખાસ ઝોન વાઈઝ બેઠકોનુ આયોજન કરવામાં આવેલ હતુ જેમા અમોને સુરત ખાતે રૂબરૂ સાંભળી આ બાબતે ઘટતુ કરવા ખાત્રી મળેલ હતી જેના ભાગરૂપે અને ફળસ્વરૂપે ગુજરાત સરકાર દ્વારા “સા.શૈ.પછાત વર્ગ” (OBC) સમાજની બેઠકો માટે તારીખ ૨૦/૦૯/૨૦૨૩ માં ૧૭માં સુધારાથી ગેઝેટ બાહાર પાડી ગુજરાત પંચાયત એકટમાં “સા.શૈ.પછાત વર્ગ” (OBC) સમાજની બેઠકોનો સમાવેશ કરવાના ધારા ધોરણો માટે આદેશ થયેલ છે.વધુમાં ખાસ જણાવવાનું કે, ડાંગ જીલ્લામાં છેલ્લી સ્થાનિક સ્વરાજયની સામાન્ય ચૂંટણીમા સને-૨૦૧૫-૧૬માં જીલ્લામા એક સીટ અને આહવા, વઘઇ, અને સુબીર તાલુકામાં એક-એક સીટ OBCની અનામત શીટ ફાળવવામાં આવેલ હતી. અને ગુજરાત સરકાર દ્વારા તા. ૨૦/૦૯/૨૦૨૩ માં ૧૭માં સુધારાથી ગેઝેટ બહાર પાડયું હોવા છતા લગભગ બે વર્ષના સમયગાળા બાદ તા. ૨૩/૦૭/૨૦૨૫ ના ચૂટણી પંચના ગેઝેટમાં “સા.શૈ.પછાત વર્ગ” (OBC) સમાજની બેઠકોનો સમાવેશ થયેલ નથી.જેથી આ બાબતે ગંભીરતા દાખવી તાત્કાલિત ધોરણે આ “સા.શૈ.પછાત વર્ગ” (OBC) સમાજને બંધારણીય ન્યાય આપવામાં આવે તેવી માંગ કરવામાં આવી રહી છે..
