🥳 મુન્દ્રામાં ૧૩ વર્ષ બાદ પરમ પૂજ્ય આચાર્ય ભગવંત શ્રી યશોવિજય સૂરીશ્વરજી મ.સા.નું આગમન!

POOJA THACKER8 minutes agoLast Updated: November 20, 2025

2 1 minute read

રિપોર્ટ : પુજા ઠક્કર, મુંદરા – કચ્છ.

🥳 મુન્દ્રામાં ૧૩ વર્ષ બાદ પરમ પૂજ્ય આચાર્ય ભગવંત શ્રી યશોવિજય સૂરીશ્વરજી મ.સા.નું આગમન!

અંજારમાં ઐતિહાસિક ચાતુર્માસ પૂર્ણ કર્યા બાદ પરમ પૂજ્ય આચાર્ય ભગવંત શ્રી યશોવિજય સૂરીશ્વરજી મહારાજા આદિઠાણા આગામી ૬ ડિસેમ્બરના રોજ મુન્દ્રા પધારશે. આ શુભ સમાચારને પગલે સમસ્ત મુન્દ્રા જૈન સંઘમાં ભારે આનંદ અને ઉત્સાહ છવાયો છે. આશરે ૧૩ વર્ષ પૂર્વે આચાર્ય ભગવંતનું ચાતુર્માસ મુન્દ્રામાં ભારે ઠાઠમાઠથી ઉજવાયું હતું, જ્યાં તેમના પ્રવચન સમયે આરાધના ભવનમાં ‘હાઉસફુલ’ના પાટિયા લાગતા હતા. ત્યારે જૈનોની સાથે જૈનેતર લોકોએ પણ મહારાજ સાહેબના પ્રવચનનો ઉમળકાભેર લાભ લીધો હતો. આ ઉપરાંત, કચ્છના પ્રાચીન તીર્થ ભદ્રેશ્વર ખાતે ૧૩, ૧૪ અને ૧૫ ડિસેમ્બરના રોજ પરમ પૂજ્ય આચાર્ય ભગવંતની પાવન નિશ્રામાં અઠમ તપની તપસ્યાનું આયોજન કરવામાં આવ્યું છે. આ તપસ્યાના લાભાર્થી પરિવાર માતૃશ્રી મંજુલાબેન રસિકલાલ શાહ પરિવાર (પંચાસર) વાળાએ ભાવિકોને બહોળી સંખ્યામાં જોડાવા અનુરોધ કર્યો છે. આ વિગતો મુન્દ્રાથી જૈન સંઘના સહમંત્રી વિનોદ મહેતાની યાદીમાં જણાવાયું છે.