મહેસાણા રાધનપુર રોડ પર પસાર થતા સીનીયર સીટીઝન પાસેથી બે લાખ ની લૂંટ કરી ફરાર આરોપીઓને એલસીબી પોલીસે મુદ્દામાલ સાથે ઝડપી લીધા
વાત્સલ્યમ સમાચાર
સૈયદજી બુખારી વિજાપુર
મહેસાણા રાધનપુર રોડ ઉપરથી પસાર થતા સીનીયર સીટીઝન ને રિક્ષામાં બેસાડી બુટ્ટાપાલડી સીમ માં લઇ જઇને રોકડ તેમજ સોનાની ચેન વીંટી મોબાઈલ સહિત રૂપિયા બે લાખ ની લૂંટ કરી ફરાર થયેલ આરોપીઓ ને તાલુકા પોલીસે ગણતરી ના કલાકો માં ઝડપી પાડીને મુદ્દામાલ જપ્ત કરી કાયદેસર ની કાર્યવાહી હાથ ધરી છે. આ અંગે પોલીસ સૂત્રો પાસેથી મળતી માહીતી મુજબ જીલ્લા પોલીસ અધિક્ષક તરુણ દુગ્ગલ દ્વારા મહેસાણા તાલુકામાં બનતા ચોરીના બનાવો તેમજ મિલ્કત સબંધી થતા કેસોનો નિકાલ લાવવા અને અસરકારક કામગીરી કરવા ની આપેલી સૂચના મુજબ પેટ્રોલીંગ કરતા જુદીજુદી ટેકનોલોજીનો ઉપયોગ કરી સીસી ફૂટેજ ઉપરથી લૂંટ માં વપરાયેલ રીક્ષા નો નમ્બર જીજે 02 વાય.વાય 9410 ઉપરથી તપાસ કરતા ત્રણ ઈસમો ગણપતજી જેન્તીજી ઠાકોર તેમજ રોનક સુરેશભાઈ ભંગી તેમજ વિજયજી દિલીપજી ઠાકોર ને ઝડપી રીક્ષાનો કબ્જો મેળવી મોબાઈલ સોનાની ચેન વીંટી સહિત મુદ્દામાલ જપ્ત કરી કાયદેસર ની કાર્યવાહી હાથ ધરી છે.