MORBI:મોરબી મહાનગરપાલિકા દ્વારા વિવિધ પ્રકારની બાંધકામ પરવાનગીઓનો સત્વરે નિકાલ કરવામાં આવ્યો
MORBI:મોરબી મહાનગરપાલિકા દ્વારા વિવિધ પ્રકારની બાંધકામ પરવાનગીઓનો સત્વરે નિકાલ કરવામાં આવ્યો
મોરબી મહાનગરપાલિકા દ્વારા ચાલુ સપ્તાહ દરમિયાન નગરજનોને લગતી વહીવટી સેવાઓમાં નોંધપાત્ર કાર્ય કરવામાં આવ્યું છે. શહેરી વિકાસની પ્રક્રિયાને વેગ આપવા તથા નાગરિકોને પારદર્શી અને ઝડપી સેવા પૂરી પાડવાના ભાગરૂપે, ઝોનિંગ સર્ટિફિકેટ, ડેવલપમેન્ટ પરમિશન, બિલ્ડિંગ યુઝ (BU) પરમિશન અને પાડવાની મંજૂરીઓ (ડેમોલિશન પરવાનગીઓ) સહિતની તમામ ઇનવર્ડ અરજીઓનો સત્વરે અને સંતોષકારક નિકાલ કરવામાં આવેલ છે.
જાહેર સલામતીને સર્વોચ્ચ પ્રાથમિકતા આપતા, મહાનગરપાલિકાના ટાઉન પ્લાનિંગ વિભાગ દ્વારા સ્ટાન્ડર્ડ ઓપરેટિંગ પ્રોસિજર (SOP) નું ચુસ્તપણે પાલન કરીને એક વિશેષ ઝુંબેશ શરૂ કરવામાં આવેલી છે. આ ઝુંબેશ હેઠળ, નાગરિકોની સુરક્ષાને ધ્યાને લઈને તમામ હોસ્પિટલો અને શાળાઓની બિલ્ડિંગ યુઝ (BU) પરમિશનની સ્થળ ચકાસણી (વિઝિટ) હાથ ધરવામાં આવી રહી છે, જેથી સંબંધિત સંસ્થાઓ તમામ નિયમો અને સલામતીના ધોરણોનું યોગ્ય પાલન કરે છે કે કેમ તેની ખાતરી કરી શકાય.
