મધ્ય ગુજરાત વીજ કંપની દ્વારા સંતરામપુર અને કડાણા તાલુકામાં વીજ ચેકિંગ હાથ ધરાયું.
મધ્ય ગુજરાત વીજ કંપની લિમિટેડ, કોર્પોરેટ ઓફિસ, વડોદરા દ્વારા આજ રોજ મહીસાગર જિલ્લાના સંતરામપુર અને કડાણા તાલુકામાં વીજ ચેકિંગ હાથ ધરવામાં આવેલ હતું..
રિપોર્ટર… અમીન કોઠારી મહીસાગર
જેમાં કુલ ૧૯ જેટલી વીજ ચેકિંગ ટીમ દ્વારા વીજ ચેકિંગ હાથ ધરવામાં આવેલ. મહીસાગર જિલ્લાના સંતરામપુર તાલુકામાં કુલ ૨૫૧ જેટલા વીજ જોડાણ ચેક કરવામાં આવેલ તેમાં ૨૧ વીજ જોડાણ વીજ ચોરી કરતાં માલૂમ પડેલ. જેનું વીજ ચોરીનું અંદાજિત બીલ રૂપિયા ૩.૫૩ લાખ જેટલું થાય છે. અને કડાણા તાલુકામાં ૨૧૩ વીજ જોડાણ ચેક કરવામાં આવેલ તેમાં ૪૩ વીજ જોડાણ વીજ ચોરી કરતાં માલૂમ પડેલ. જેનું વીજ ચોરીનું અંદાજિત બીલ રૂપિયા ૭.૮૮ લાખ જેટલું થાય છે.
આમ મહીસાગર જીલ્લાના સંતરામપુર અને કડાણા તાલિકાના કુલ ૪૬૪ જેટલા વીજ જોડાણ ચેક કરવામાં આવેલ હતા. વીજ જોડાણમાંથી કુલ ૬૪ જેટલા વીજ જોડાણોમાં ગેરરિતી અટલે કે વીજ ચોરી કરતાં પકડાયેલ છે. જેનું વીજ ચોરીનું અંદાજિત બીલ રૂપિયા ૧૧.૪૧ લાખ જેટલું થાય છે. આમ, મધ્ય ગુજરાત વીજ કંપની લિમિટેડ દ્વારા અચાનક સરપ્રાઈઝ વીજ ચેકિંગ હાથ ધરવામાં આવ્યું હતું.
