Rajkot: સરકારી પોલીટેકનીક ખાતે મેડીકલ ઇમર્જન્સી અવેરનેસ પ્રોગ્રામ યોજાયો
તા.૨૯/૧૧/૨૦૨૫
વાત્સલ્યમ્ સમાચાર
Rajkot; તાજેતરમાં સરકારી પોલીટેકનીક, રાજકોટ ખાતે પંડીત દીનદયાલ કોલેજના સંયુક્ત ઉપક્રમે મેડીકલ ઇમર્જન્સી અવેરનેસ પ્રોગ્રામ યોજાયો હતો. કાર્યક્રમમાં વિવિધ ઇમર્જન્સી પરિસ્થિતિ જેવી કે સી. પી. આર તથા આગ દરમિયાન આપવામાં આવતી પ્રાથમીક તબીબી સારવાર વિશે વિદ્યાર્થીઓને ખુબજ ઉપયોગી માહિતી તથા તે અંગેની તાલીમ આપવામાં આવી હતી.
રાજકોટની પંડીત દીનદયાલ કોલેજના શ્રી યજ્ઞ ઠાકર, કુ. ખુશી કુમાર, શ્રી. વત્સલ ધોળકીયા, શ્રી.મિતુલ ચૌહાણ અને અન્ય વિદ્યાર્થીઓ દ્વારા વિશેષ માર્ગદર્શન આપવામાં આવ્યું હતું.
કાર્યક્રમના પ્રારંભે સરકારી પોલીટેકનીક રાજકોટના પ્રિન્સિપાલ ડો. એ. એસ.પંડયાએ પ્રાસંગિક ઉદ્બોધન કર્યું હતું. પ્રોગ્રામમાં કેમિકલ વિભાગના વડા શ્રી એ.ડી. સ્વામીનારાયણ સહીત વિવિધ વિભાગના વડાશ્રીઓ, સ્ટાફ મેમ્બર તેમજ બહોળી સંખ્યામાં વિદ્યાર્થીઓ ઉપસ્થીત રહ્યા હતા. કાર્યક્રમને સફળ બનાવવા કોલેજની એન.એસ.એસ. ક્મીટીના કો-ઓર્ડીનેટર શ્રી. આર. જે. રાવલ, કમીટીના અન્ય સભ્યો તેમજ રુસા કમીટીના સભ્યોએ જહેમત ઉઠાવી હતી.
