વિજાપુરમાં મહાન વલી દાદા સરકાર સૈયદ ફકીર મુહમ્મદ દાદા બાવા તેમજ હઝરત સૈયદ મહમુદ શાહીયા બુખારી સલાઉલમુલ્કના ઉર્ષની ભવ્ય ઉજવણી
વિજાપુર :
વિજાપુર શહેરમાં આવેલા મહાન વલી દાદા સરકાર સૈયદ ફકીર મુહમ્મદ દાદા બાવાની દરગાહ ખાતે દર વર્ષની જેમ આ વર્ષે 2025 માં પણ રજબ માસની 17મી તારીખે ઉર્ષ મહોત્સવ મુસ્લિમ સમાજના લોકો દ્વારા ધામધૂમ પૂર્વક અને ભવ્ય રીતે ઉજવવામાં આવ્યો હતો.
ઉર્ષ પ્રસંગે દરગાહ પર ગુલપોષી, ચાદર પોષી, કુરાન ખ્વાની તેમજ દૂઆઓનું આયોજન કરવામાં આવ્યું હતું. સાથે સાથે મોટી સંખ્યામાં હાજર રહેલા અકીદતમંદો માટે પ્રસાદી (નિયાઝ) વિતરણનો પણ કાર્યક્રમ યોજાયો હતો. ઉર્ષ દરમિયાન વિજાપુર સહિત આસપાસના વિસ્તારોમાંથી મોટી સંખ્યામાં શ્રદ્ધાળુઓએ હાજરી આપી અકીદત વ્યક્ત કરી હતી.
દરગાહ ના ટ્રસ્ટીઓ એ પ્રમુખ ઝાકીર હુસૈન સૈયદ, ઇરફાન ભાઈ મલેક, જીલાની ખાન પઠાણ,ખાલીદ હુસેન સૈયદ,સૈયદ મુહમ્મદ હાશિમ બુખારી સહિત કારોબારી દ્વારા સુંદર આયોજન કર્યું હતુ. દરગાહ ના દિવાન કાલુ શાહ દ્વારા લોબાન સાંજે ફેરવવા માં આવ્યું હતું. જ્યારે આ સાથે આગામી દિવસ રજબ માસની 22મી તારીખે, અમદાવાદ સ્થિત પ્રખ્યાત દરગાહ **હઝરત શાહ એ આલમ બુખારી ર.અ.**ના પ્રપૌત્ર ની વિજાપુરમાં આવેલ દરગાહ શરીફ **હઝરત સૈયદ મહમુદ શાહીયા બુખારી સલાઉલમુલ્ક ર.અ.**ના ઉર્ષની પણ ભવ્ય ઉજવણી કરવામાં આવી હતી.
આ ઉર્ષ પ્રસંગે **હઝરત શાહ એ આલમ બુખારી ર.અ.**ની દરગાહના સજ્જાદાનશી સૈયદ અબ્દે મુનાફ બુખારી, **હઝરત સૈયદ મહમુદ શાહીયા બુખારી સલાઉલમુલ્ક ર.અ.ના વંશજ સૈયદ બુખારી સમાજના લોકો દ્વારા પણ દરગાહ શરીફ ખાતે ફુલપોષી, ચાદર પોષી, નાતે પાક તથા દૂઆઓનું આયોજન કરવામાં આવ્યું હતું.
બંને બુઝુર્ગોના ઉર્ષની ઉજવણી દરમિયાન સમગ્ર વાતાવરણ અકીદત, શાંતિ અને ભક્તિભાવથી પરિપૂર્ણ બન્યું હતું. મોટી સંખ્યામાં હાજર રહેલા અકીદતમંદોએ દૂઆ કરી સુખ, શાંતિ અને સમૃદ્ધિ માટે પ્રાર્થના કરી હતી.
