વિજાપુરમાં મહાન વલી દાદા સરકાર સૈયદ ફકીર મુહમ્મદ દાદા બાવા ના ઉર્ષની ભવ્ય ઉજવણી કરાઈ 
વાત્સલ્યમ સમાચાર
સૈયદજી બુખારી વિજાપુર
વિજાપુર શહેરમાં આવેલા મહાન વલી દાદા સરકાર સૈયદ ફકીર મુહમ્મદ દાદા બાવાની દરગાહ ખાતે દર વર્ષની જેમ આ વર્ષે 2025 માં પણ રજબ માસની 16 મી રજબ ના રાત્રી ના સંદલ તેમજ 17મી રજબ ના દિવસે ઉર્ષ મહોત્સવ મુસ્લિમ સમાજના લોકો દ્વારા ધામધૂમ પૂર્વક અને ભવ્ય રીતે ઉજવવામાં આવ્યો હતો.
ઉર્ષ પ્રસંગે દરગાહ પર ગુલપોષી, ચાદર પોષી, કુરાન ખ્વાની તેમજ દૂઆઓનું આયોજન કરવામાં આવ્યું હતું. સાથે સાથે મોટી સંખ્યામાં હાજર રહેલા અકીદતમંદો માટે પ્રસાદી (નિયાઝ) વિતરણનો પણ કાર્યક્રમ યોજાયો હતો. ઉર્ષ દરમિયાન બહારગામો માંથી તેમજ આસપાસના વિસ્તારોમાંથી મોટી સંખ્યામાં શ્રદ્ધાળુઓએ હાજરી આપી અકીદત વ્યક્ત કરી હતી.
દરગાહ ના ટ્રસ્ટી પ્રમુખ ઝાકીર હુસૈન સૈયદ, ઇરફાન ભાઈ મલેક, જીલાની ખાન પઠાણ,ખાલીદ હુસેન સૈયદ,સૈયદ મુહમ્મદ હાશિમ બુખારી સહિત કારોબારી દ્વારા સુંદર આયોજન કર્યું હતુ. દરગાહ ના દિવાન કાલુ શાહ દ્વારા લોબાન સાંજે ફેરવવા માં આવ્યું હતું. ઉર્ષમાં ના પ્રસંગ ની એક તહેવાર સ્વરૂપે ઉજવણી કરવામાં આવી હતી.
