વિજાપુરમાં જન આક્રોશ યાત્રાનું કોંગ્રેસ કાર્યકરો દ્વારા ઉત્સાહપૂર્વક યાત્રાના આગમન નુ ભવ્ય સ્વાગત કરાયુ
વાત્સલ્યમ સમાચાર
સૈયદજી બુખારી વિજાપુર
ગુજરાત પ્રદેશ કોંગ્રેસ સમિતિના પ્રમુખ અમિતભાઈ ચાવડાના નેતૃત્વમાં ચાલી રહેલી જન આક્રોશ યાત્રા આજે આશ્રમ ચોકડી રણાસણ માર્ગે વિજાપુર તાલુકામાં પહોંચી હતી.વિધાનસભા વિપક્ષનાનેતા ડૉ. તુષારભાઈ ચૌધરી, હિમાંશુ પટેલ, બળદેવજી ઠાકોર રામજી ઠાકોર,તલત મહેમુદ સૈયદ સહિતના અગ્રણી નેતાઓ હાજર રહ્યા હતા. વિજાપુર તાલુકા-શહેર કોંગ્રેસ સમિતિ યુવક કોંગ્રેસ, મહિલા કોંગ્રેસ, સેવાદળ અને વિવિધ મોરચાના ચેરમેન તેમજ સિનિયર આગેવાનોની વિશાળ હાજરી વચ્ચે યાત્રાનું ભવ્ય સ્વાગત કરવામાં આવ્યું હતું.તાલુકાના કોંગ્રેસ ના સ્થાનિક આગેવાનો, કાર્યકર્તાઓ તેમજ નાગરિકોએ યાત્રાનું ફૂલમાળાઓ અને નારાબાજી વચ્ચે ભવ્ય સ્વાગત કર્યું હતું. જન આક્રોશ યાત્રા મુખ્ય માર્ગો પર ફરતા લોકોની ભારે હાજરી જોવા મળી હતી.
યાત્રા દરમિયાન આગેવાનો દ્વારા ન્યાય, નીતિ અને સત્યના માર્ગ પર ચાલવાની અપીલ કરવામાં આવી હતી. યાત્રાને લોકો દ્વારા મળતું વ્યાપક સમર્થન લોકજાગૃતિનું પ્રતિબિંબ ગણાયું. તાલુકામાં મળેલા ઉમંગ ભર્યા સ્વાગતથી યાત્રાના આયોજનમાં જોડાયેલા આગેવાનોમાં વિશેષ ઉત્સાહ જોવા મળ્યો હતો.સ્થાનિક નાગરિકોએ જન આક્રોશ યાત્રાનું ખુલ્લા હૃદયે સ્વાગત કરી આશીર્વાદ પાઠવ્યા હતા. વિવિધ સમાજોના લોકો, યુવાનો, મહિલાઓ અને વરિષ્ઠ નાગરિકોએ યાત્રામાં જોડાઈ એકતા અને જાગૃતિનો સંદેશ આપ્યો હતો. તાલુકા માંથી મળેલો આ આશીર્વાદ યાત્રાની સાચી ઓળખ અને શક્તિ ગણાવવામાં આવ્યો છે.
