વિજાપુર લાડોલ પોલીસ મથકના હદ વિસ્તાર જંત્રાલ કહીપુર રોડ ઉપર બહુચર પાર્લર ની બાજુમાં જાહેર મા વરલી મટકા રમાડતા ચાર જણા ને એલસીબી પોલીસે ઝડપી પાડયા એક ફરાર 
વાત્સલ્યમ સમાચાર
સૈયદજી બુખારી વિજાપુર
વિજાપુર લાડોલ પોલીસ મથકના હદ વિસ્તાર જંત્રાલ કહિપુર રોડ ઉપર બહુચર પાર્લર ની બાજુમાં જાહેર મા વરલી મટકા નો જુગાર રમી રમાડતા ચાર ઈસમો ની એલસીબી પોલીસે રૂ ૧૮,૩૦૦/- ના મુદ્દામાલ સાથે બાતમી ના આધારે ઝડપી પાડી પોલીસ મથકે પાંચ સામે ગુનો નોંધાવી કાયદેસર ની કાર્યવાહી હાથ ધરી છે. આ અંગે પોલીસ સૂત્રો પાસેથી મળતી માહિતી મુજબ એલસીબી પોલીસ લાડોલ પોલીસ મથકના હદ વિસ્તાર માં દારૂ જુગાર ના કેસો શોધી અસરકારક કામગીરી કરવાની જીલ્લા પોલીસ અધિક્ષકે આપેલી સૂચના મુજબ ઇન્ચાર્જ પોલીસ અધિકારી એન આર વાઘેલા ના માર્ગદર્શન મુજબ પેટ્રોલીંગ મા હતા. તે સમયે એલસીબી પોલીસ ને બાતમી મળી હતી કે જંત્રાલ કહિપૂર રોડ ઉપર બહુચર પાર્લર ની બાજુમાં કેટલાક ઈસમો ભેગા મળી પોતાના આર્થિક ફાયદા માટે વરલી મટકા નો જુગાર જાહેરમાં રમાડી રહ્યા છે. મળેલી બાતમી ના આધારે એલસીબી પોલીસે તપાસ કરતા સ્થળ ઉપર કાર્બન પેપર રાખી બુક મા મટકા ના નંબરો લખી જુગાર રમાડતા જણાઈ આવતા ચાર ઈસમો ઠાકોર વાઘાજી જોઈતાજી, ઠાકોર વિજયજી પ્રહલાદજી , સેનમા મેહુલ ભાઈ બળદેવભાઈ, ઠાકોર અજીતજી વિષ્ણુજી રહે તમામ જંત્રાલ ને ઝડપી કુલ રૂપિયા ૧૮,૩૦૦/- નો મુદ્દામાલ કબ્જે લઈ ફરાર કહીપૂર વડનગર ના પ્રદીપજી ફતેસંગ ઠાકોર સહિત લાડોલ પોલીસ મથકે પાંચ સામે ગુનો નોંધી કાયદેસરની કાર્યવાહી હાથ ધરી છે. પોલીસે ફરાર થયેલ પ્રદિપજી ઠોકર કાહિપુર વાળા ને ઝડપી પાડવા તપાસ હાથ ધરી છે.
