ARAVALLIGUJARATMODASA

મોડાસાની સરકારી ઇજનેરિંગ કોલેજમાં છેડતીનો મામલો : પ્રોફેસર મનીષ ચૌહાણની ધરપકડ – ” મને ખુશ કરીશ..? હું તને પાસ કરાવી દઈશ ” – પ્રોફેસર ની ચેટ સામે આવી 

અરવલ્લી

અહેવાલ : હિતેન્દ્ર પટેલ

મોડાસાની સરકારી ઇજનેરિંગ કોલેજમાં છેડતીનો મામલો : પ્રોફેસર મનીષ ચૌહાણની ધરપકડ – ” મને ખુશ કરીશ..? હું તને પાસ કરાવી દઈશ ” – પ્રોફેસર ની ચેટ સામે આવી

મોડાસાની સરકારી એન્જિનિયરિંગ કોલેજમાં પ્રથમ વર્ષની વિદ્યાર્થીની સાથે છેડતી અને અશ્લીલ માંગણી કરવાના આરોપો સામે કોલેજના પ્રોફેસર મનીષ ચૌહાણની ધરપકડ કરવામાં આવી છે. વિદ્યાર્થીનીની ફરિયાદ આધારે મોડાસા ટાઉન પોલીસ સ્ટેશને ગઈકાલે ગુનો દાખલ કર્યો હતો.સમગ્ર ઘટના ને લઈ વિધાર્થીઓમાં પણ ભારે રોષ જોવા મળ્યો હતો સાથે પ્રોફેસર ની ચેટ પણ સામે આવી છે જેમા લખ્યુ છે કે મને ખુશ કરીશ ..? હું તને પાસ કરાવી દઈશ ત્યારે સમગ્ર ઘટના ને લઈ વિધાર્થી જગતમાં ચર્ચાનો વિષય બન્યો છે મળતી માહિતી મુજબ મોડાસાની સરકારી ઇજનેરિંગ કોલેજમાં છેડતી  પ્રોફેસર મનીષ ચૌહાણ પહેલા પોલીસ વિભાગમાં નોકરી કરતો હતો અને ત્યાર બાદ તે સરકારી એન્જિનિયર કોલેજ ખાતે પ્રોફેસર ની નોકરી મળ્યા બાદ પોલીસ ની નોકરી છોડી ને પ્રોફેસર તરીકે નોકરીમાં આવ્યો હતો

ઘટનાની વિગતો મુજબ, પ્રોફેસરે વિદ્યાર્થીની સાથે વોટ્સએપ પર વાતચીત દરમિયાન બીભત્સ માગણી કરી હતી અને તેની સ્વીકૃતિ બદલ પરીક્ષામાં પાસ કરાવી દેવાની લાલચ આપ્યાનો આરોપ છે. આ વોટ્સએપ ચેટ બહાર આવતા મામલો ચર્ચામાં આવ્યો હતો. ફરિયાદના આધારે મોડાસા ટાઉન પોલીસે તાત્કાલિક કાર્યવાહી હાથ ધરી હતી અને ગણતરીના કલાકોમાં જ પ્રોફેસરને મોડાસા પાસે થી ઝડપી પાડ્યો કસ્ટડીમાં લઈ આગળની કાનૂની પ્રક્રિયા શરૂ કરી છે.પોલીસે જણાવ્યું છે કે આ કેસમાં તમામ ડિજિટલ પુરાવા, વિદ્યાર્થીનીના નિવેદનો અને ચેટના ટેક્નિકલ ફોરેન્સિકની તપાસ ચાલી રહી છે. કોલેજમાં પણ આ મામલે તપાસ હાથ ધરી છે.આ બનાવ બાદ વિદ્યાર્થીઓ અને વાલી વર્ગમાં ભારે રોષ ફેલાયો છે

Back to top button
error: Content is protected !!