વિજાપુર ના ખણુંસા ના યુવક પાસેથી હીરપુરા ના યુવકે વિશ્વાસ કેળવી જમીન અને દુકાન ના સોદા મા નફો કરાવી આપવા બાબતે ૧૯ લાખ નો ચૂનો લગાવી છેતરપિંડી કરતા ફરીયાદ 
વાત્સલ્યમ સમાચાર
સૈયદજી બુખારી વિજાપુર
વિજાપુર ના ખણુંસા ગામના યુવકે કેનેડા જવા માટે સગા સબંધીઓ પાસેથી મેળવી ભેગી કરેલી ૧૯ લાખ ની રકમ ભેગી કરેલ પરંતુ કેનેડા જવાનું કામ અટકી ગયું છે તે આગળ ધપાવવા બાબતે બિલોદરા માલધારી ગોગા મહારાજ ના દર્શને ગયેલ તે સમયે મંદિર ના ભુવાજી ને વાત કરી હતી.તે વાત તેમની જોડે સેવા કરતા હીરપુરા ગામના ના ઈસમે સાંભળી ને ખણુંસા ના યુવક જોડે વિશ્વાસ કેળવી ને જમીન અને દુકાન ના સોદા કરાવી બમણો નફો કમાવવા ની લાલચ આપી રૂપિયા રોકડ આરટીજી એસ થી અલગ મુદ્દલ ની રકમ મેળવી રૂપિયા ૧૯ લાખ નો ચૂનો લગાવી છેતરપિંડી કરી વિશ્વાસઘાત કરવા ની હીરપુરા ગામના ઈસમ સામે પોલીસ મથકે ફરીયાદ નોંધાવી છે. પોલીસે ગુનો નોંધી કાયદેસરની કાર્યવાહી હાથ ધરી છે. આ અંગે પોલીસ સૂત્રો પાસેથી મળતી માહિતી મુજબ ખણુસા ગામના સંજય ભાઈ પોપટ ભાઇ પટેલ છેલ્લા પાંચ વર્ષથી બિલોદરા ગામે આવેલ માલધારી ગોગા મહારાજ ના મંદિરે શ્રઘ્ધા રાખતા હોય રવિવાર અને મંગળવાર મહારાજ ના દર્શન કરવા જતાં હતા સંજય ભાઈ પટેલને કેનેડા જવાનું હોવાથી તેઓએ સગા સબંધી ઓ પાસેથી મદદ લઈ ૧૯ લાખની માતબર રકમ ભેગી કરેલ છે.પરંતુ કેનેડા જવાનું કામ અટકી પડયુ છે તે વાત કરી મંદિર ના ભુવાજી ને ગોગા મહારાજ સમક્ષ પર્થાના કરવા કહ્યું હતુ. રૂપિયા ૧૯ લાખ ની વાત મંદિર મા સેવા કરતા હીરપુરા ગામના અર્પિત ભાઈ પટેલે સાંભળી લેતા ખણુંસા ના સંજય ભાઈ પટેલ સાથે હીરપુરા ના અર્પિત ભાઈ પટેલે સંપર્ક કરી વિશ્વાસ કરી મિત્રતા પરીચય કેળવ્યો હતો. વર્ષ ૨૦૨૪ ના નવેમ્બર માસ મા ભુવાજી જોડે અર્પિત ભાઈ પટેલ પણ સંજય ભાઈ પટેલ ના ઘેર ખણુંસા આવ્યા હતા. તેઓએ તમે હાલ ઘેર બેઠા છો નવરા હોવ તો અઠવાડિયે રૂપિયા ૧,૪૦,૦૦૦/- નો જમીન અને દુકાન ના ખરીદ વેચાણ ના સોદાઓ મા નફો થાય તેમ છે. તમે મારી સાથે ભાગીદારી મા જોડાવ નફો ઘણો મળશે તેવી વાત કરી હતી. ત્યાર બાદ તેના ત્રણ દિવસ પછી અર્પિત ભાઈ પટેલ મળ્યા હતા. તેઓએ દુકાન ના સોદા ની વાત કરી હતી. અને વિશ્વાસ માટે તેઓએ સહી કરી તેમના આઈ સી આઈ સી નો બેંક એકાઉન્ટ નો કોરો ચેક આપી જમીન અને દુકાન સોદા મા ભાગીદારી કરવા નો વિશ્વાસ અપાવ્યો હતો. ત્યાર બાદ તેઓએ જુદીજુદી રીતે જમીન દુકાન ના સોદાઓ સહિત ની વાતો મા લઈ રોકડ રકમ અને આર ટી જી એસ કરાવી અલગ મુદ્દલ ના રકમ રૂપિયા ૧૯ લાખ પડાવી લીધા અને તેની માંગણી કરતા તેઓએ સગા સબંધી ને વાત નહિ કરવાની ધમકી આપી છેતરપિંડી વિશ્વાસઘાત કર્યા ની સંજય ભાઈ પટેલે અર્પિત ભાઈ પટેલ સામે પોલીસ મથકે ફરીયાદ નોંધાવી છે. પોલીસે છેતરપિંડી અને વિશ્વાસઘાત નો ગુનો નોંધી તપાસ હાથ ધરી છે.
