MORBI:મોરબી વિશ્વ ટીબી દિવસ નિમિત્તે મુસ્કાન વેલ્ફેર સોસાયટી દ્વારા 5 દર્દીઓને દત્તક લેવાયા
MORBI:મોરબી વિશ્વ ટીબી દિવસ નિમિત્તે મુસ્કાન વેલ્ફેર સોસાયટી દ્વારા 5 દર્દીઓને દત્તક લેવાયા
પૌષ્ટિક આહાર કિટ આપી સેવાનું ઉત્તમ ઉદાહરણ પૂરું પાડતી સંસ્થા: સતત ચોથા વર્ષે સેવાયજ્ઞ ચાલુ રહ્યો
સમગ્ર વિશ્વમાં 24 માર્ચને ‘વિશ્વ ટીબી દિવસ’ તરીકે ઉજવવામાં આવે છે. આ દિવસની વિશેષતા એ છે કે, 24 માર્ચ, 1882ના રોજ વૈજ્ઞાનિક રોબર્ટ કોચ દ્વારા ટીબીના બેક્ટેરિયાની શોધ કરવામાં આવી હતી. આજે તેની 144મી વર્ષગાંઠ નિમિત્તે મોરબીની જાણીતી સામાજિક સંસ્થા ‘મુસ્કાન વેલ્ફેર સોસાયટી’ દ્વારા સમાજસેવાનું ઉત્કૃષ્ટ ઉદાહરણ પૂરું પાડવામાં આવ્યું છે.
દર્દીઓની વહારે મુસ્કાન વેલ્ફેર સોસાયટી સંસ્થા દ્વારા સતત ચોથા વર્ષે આ સેવાકાર્યને વેગ આપતા, આ વર્ષે પણ 5 ટીબીના દર્દીઓને એક વર્ષ માટે દત્તક લેવામાં આવ્યા છે. આ દર્દીઓને સારવાર દરમિયાન જરૂરી એવો પૌષ્ટિક આહાર અને ન્યુટ્રિશન કિટ પૂરી પાડવામાં આવશે. આ પહેલનો મુખ્ય હેતુ દર્દીઓને માત્ર દવા જ નહીં, પરંતુ યોગ્ય પોષણ અને સામાજિક હૂંફ આપીને તેમને ઝડપથી સ્વસ્થ કરવાનો છે.
તંત્રનો સહયોગ અને આભાર આ સમગ્ર સેવાકીય પ્રવૃત્તિમાં ટીબી હોસ્પિટલના ડિસ્ટ્રિક્ટ પ્રોગ્રામ કોઓર્ડિનેટર પિયુષભાઈ જોશીનું માર્ગદર્શન અને સહકાર પ્રાપ્ત થયો હતો, જે બદલ સંસ્થાએ તેમનો વિશેષ આભાર માન્યો હતો. મોરબીની સ્થિતિ અને લોકજાગૃતિ એક અંદાજ મુજબ મોરબી જિલ્લામાં હાલ 850 જેટલા ટીબીના દર્દીઓ સારવાર લઈ રહ્યા છે, જે સમાજ માટે ચિંતાનો વિષય છે. આ ગંભીર બીમારી સામે લડવા માટે માત્ર સરકારી પ્રયાસો જ નહીં, પણ સામાજિક સંસ્થાઓનો સહયોગ પણ એટલો જ અનિવાર્ય છે.”અમારો લક્ષ્ય છે કે ટીબીનો કોઈ પણ દર્દી પોષણના અભાવે સારવારમાં પાછળ ન રહી જાય. તમામ દર્દીઓ ઝડપથી સ્વસ્થ થઈ સામાન્ય જીવન જીવતા થાય તેવી અમે પ્રાર્થના કરીએ છીએ.” – મુસ્કાન વેલ્ફેર સોસાયટી
સેવા યાત્રામાં જોડાવા માટે અપીલ જો કોઈ નાગરિક કે દાતા આ સેવાકીય કાર્યમાં સહભાગી થવા ઈચ્છતા હોય, તો તેઓ મુસ્કાન વેલ્ફેર સોસાયટીનો સંપર્ક કરી શકે છે. સંસ્થા દ્વારા વધુને વધુ લોકોને આ સેવાયજ્ઞમાં જોડાવવા માટે હાર્દિક આમંત્રણ પાઠવવામાં આવ્યું છે.
