શ્રી રોટરીગ્રામ (અ.) પ્રા. શાળા માં ૭૭ માં પ્રજાસતાક દિનની ઉજવણી કરવામાં આવી
શ્રી રોટરીગ્રામ (અ.) પ્રા. શાળા માં ૭૭ માં પ્રજાસતાક દિનની ઉજવણી કરવામાં આવી હતી. ગામમાં સૌથી વધુ ભણેલ બે દીકરીઓ સ્નેહા પાંચોટિયા અને શ્વેતા માકાસણા ના વરદ હસ્તે ધ્વજવંદન કરવામાં આવ્યુ હતુ. આ કાર્યક્રમમાં ગામજનો મોટી સંખ્યામાં ઉપસ્થિત હતા. બંને દીકરીઓને શાળા ના આચાર્ય સરડવા મણિલાલ વાલજીભાઈ એ પ્રમાણપત્ર આપી સન્માનિત કરી હતી. શાળા ની વિધાર્થીની દષ્ટિ અને ચાર્મી એ પ્રજાસત્તાક પર્વ ઉપર પોતાનું વક્તવ્ય આપ્યું હતું. દરેક ધોરણ ના બાળકો માટે અલગ અલગ રમત નું આયોજન મદદનીશ શિક્ષક વિનુભાઈ ફેફર દ્વારા કરવામાં આવ્યું હતું. દરેક રમતમાં ત્રણ નંબર ને ઇનામ આપી પ્રોત્સાહિત કરવામાં આવ્યા હતા. રાજલ લેમિનેટ પ્રા.લી. તરફથી બધા માટે નાસ્તા નું આયોજન કરવામાં આવ્યુ હતુ. દાતાઓ તરફથી દાનની સરવાણી વહેડાવવામાં આવી હતી. છેલ્લે આભાર વિધિ આદ્રોજા ગજાનન અમરશીભાઈ દ્વારા કરવામાં આવી હતી.
