અરવલ્લી
અહેવાલ :હિતેન્દ્ર પટેલ
અરવલ્લી : ઉચ્ય અધિકારીઓ ના જ સરકારી વાહનો જરૂરી ડોક્યુમેન્ટ વિના ફરે છે..!!
ટોલ બુથ પર ઇ ડિટેક્શન સિસ્ટમ કાર્યરત થવાના આરે છે,એ પહેલા ડોક્યુમેન્ટ જરૂરી,નહિતર દંડાશો.
અરવલ્લી જિલ્લામાં ટ્રાફિક નિયમન હેઠળ જનજાગૃતિ ફેલાવવા અધિકારીઓ સેમિનારો યોજી લોકોમાં જાગૃતિ લાવવાના પ્રયાસો કરે છે. તેમ છતાં જાગૃતિનો અભાવ જોવા મળે છે.એટલેજ લાયસન્સ,હેલ્મેટ,સીટબેલ્ટ,બ્લૅક કાચ,પી.યુ.સી સહિત વાહન નિયમ હેઠળ વાહન ચાલકો દંડનીય દંડાય છે.માર્ગ અકસ્માતોની ઘટનાઓ પર અંકુશ મેળવવા માટે રાજ્ય સરકારે કડક વલણ અપનાવ્યું છે.રાજ્યના સરકારી કર્મચારીઓ માટે ડ્રિચકી વાહન પર હેલ્મેટ અને કારમાં સીટબેલ્ટ વિના કચેરીમાં પ્રવેશ નહિ નો નિયમ અમલ માં મુક્યો છે. તેમ છતાં વાહન લઈ કચેરીમાં પ્રવેશતા મોટા ભાગના કર્મચારીઓ નિયમ ભંગ કરતા હોય છે.અરવલ્લી જિલ્લાના ઉચ્ય અધિકારીઓ જ નિયમોનું પાલન નહિ કરે તો કર્મચારીઓ ને કોણ શિખામણ આવશે!! કારણકે અરવલ્લી જિલ્લામાં મોટા ભાગના ઉચ્ય અધિકારીઓના સરકારી વાહનો પૂરતા ડોક્યુમેન્ટ વિના ફરતા હોવાનું સામે આવ્યું છે. અત્યાર સુધી તો એકબીજાની શરમે ચાલી ગયું પરંતુ હવે નહિ ચાલે, કારણ કે ટોલ બુથ પર, ઇ ડિટેક્શન સિસ્ટમ કાર્યરત થવાના આરે છે.એ પહેલા આવા વાહનો ના પૂરતા ડોક્યુમેન્ટ જરૂરી છે,નહિતર દંડાશો.
