નવસારી મહાનગરપાલિકાએ મોબાઇલ મારફત મિલકત વેરા બીલ ભરવાની નવી ડિજિટલ સુવિધા શરૂ કરી…
વાત્સલ્યમ સમાચાર
મદન વૈષ્ણવ
નવસારી મહાનગરપાલિકાએ નાગરિક સુવિધા માટે મિલકત વેરા સંબંધિત નવી ડિજિટલ સુવિધાઓ શરૂ કરી છે. હવે નાગરિકો NMC એપ અથવા મહાનગરપાલિકાની અધિકૃત વેબસાઇટ nmc.gujarat.gov.in પર જઈ, પ્રોપર્ટી ટેક્સ વિભાગમાં પોતાનું વેરા બીલ ઓનલાઇન ચૂકવી શકશે. આ સાથે જ ચુકવણી કર્યા બાદ મોબાઇલ પર જ ડિજિટલ રસીદ મેળવી શકાશે.આ ડિજિટલ સુવિધા સાથે, મહાનગરપાલિકા હજુ પણ પરંપરાગત રીતે હાર્ડ કોપી બીલ મોકલવાની પ્રક્રિયા ચાલુ રાખશે. તેમજ પેન્ડિંગ બિલ બાબતે જાહેર જનતાને રિમાઇન્ડર પણ તેમના ફોનમાં મળી શકશે આ બેવડી વ્યવસ્થા દ્વારા તમામ નાગરિકોને તેમની સગવડ મુજબ વેરા બીલની માહિતી અને ચુકવણીની સુવિધા વધુ સરળ બનશે…આ પહેલ ડિજિટલ ઇન્ડિયા અભિયાનને અનુરૂપ છે અને નાગરિકોને સમય અને શ્રમની બચત કરવામાં મદદરૂપ થશે. મહાનગરપાલિકા આગળના તબક્કામાં વધુ ડિજિટલ સેવાઓ લાવવાની યોજના બનાવી રહી છે, જેમાં ઓટોમેટિક બીલ જનરેશન, ઓનલાઇન ગતાવધી અને અન્ય સુવિધાઓનો સમાવેશ થશે. આ પ્રયાસો દ્વારા નગરપાલિકા નાગરિકોને વધુ પારદર્શક અને સરળ સેવાઓ પૂરી પાડવા પ્રતિબદ્ધ છે. વધુ માહિતી માટે મહાનગરપાલિકાની વેબસાઇટ nmc.gujarat.gov.in અથવા NMC એપ્લિકેશનનો ઉપયોગ કરી શકાશે.
