MORBI:મોરબી શનાળા નજીક ‘ધ કાર સ્ટુડિયો’માં ભીષણ આગ,ભારે જહેમત બાદ કાબુ મેળવાયો
MORBI:મોરબી શનાળા નજીક ‘ધ કાર સ્ટુડિયો’માં ભીષણ આગ,ભારે જહેમત બાદ કાબુ મેળવાયો
મોરબીના શનાળા રોડ પર ગત મોડી રાત્રે એકાએક આગ લાગવાની ઘટના સામે આવી છે. શનાળા નજીક આવેલ ‘THE CAR STUDIO’ નામના જાણીતા શોરૂમમાં ભયાનક આગ ફાટી નીકળતા અફરાતફરીનો માહોલ સર્જાયો હતો.
આ શોરૂમમાં કાર કોટિંગ, સર્વિસિંગ અને રિપેરિંગ જેવી કામગીરી કરવામાં આવતી હતી. ગત મોડી રાત્રે અચાનક શોરૂમમાંથી ધુમાડાના ગોટેગોટા નીકળવા લાગ્યા હતા અને જોતજોતામાં આગે વિકરાળ સ્વરૂપ ધારણ કરી લીધું હતું. અંદર રહેલા કેમિકલ્સ અને અન્ય જ્વલનશીલ પદાર્થોને કારણે આગ ઝડપથી પ્રસરી ગઈ હતી.
ઘટનાની જાણ થતા જ મોરબી ફાયર વિભાગનો કાફલો તાત્કાલિક ઘટનાસ્થળે દોડી ગયો હતો. આગ એટલી ભીષણ હતી કે તેના પર કાબુ મેળવવા માટે:સતત 5 કલાક સુધી પાણીનો મારો ચલાવવામાં આવ્યો હતો.ફાયર ફાઈટરોની ભારે જહેમત બાદ વહેલી સવારે 4 વાગ્યાની આસપાસ આગ પર સંપૂર્ણપણે કાબુ મેળવી શકાયો હતો.આ દુર્ઘટનામાં શોરૂમમાં રહેલા સાધનો અને ફર્નિચરને ભારે નુકસાન થયું હોવાની આશંકા છે. સદનસીબે, રાત્રિનો સમય હોવાથી જાનહાનિ ટળી છે. આગ લાગવાનું ચોક્કસ કારણ હજુ જાણી શકાયું નથી, પરંતુ શોર્ટ સર્કિટના કારણે આગ લાગી હોવાનું પ્રાથમિક અનુમાન લગાવવામાં આવી રહ્યું છે.
