હાલોલ:નોબેલ હાઇજીન કંપની ખાતે કંપનીના ફાઉન્ડેશન ડે નિમિતે રક્તદાન શિબિર યોજાઈ,109 રક્તદાતાઓએ રક્તદાન કર્યું
રિપોર્ટર. કાદિર દાઢી.હાલોલ
તા.૨૮.૧૧.૨૦૨૪
હાલોલના મધવાસ જી.આઇ.ડી.સી ઔધોગિક વિસ્તારમાં આવેલ નોબેલ હાઈજીન કંપની ખાતે ઇન્ડીયન રેડ ક્રોસ સોસાયટી વડોદરાના સહયોગ થી રક્તદાન શિબિર નું આયોજન બુધવારના રોજ કરવામાં આવ્યું હતું. કંપની ખાતે યોજાયેલ રક્તદાન શિબિરમાં સવારે 10 કલાકે કર્મચારીઓ દ્વારા રક્તદાનનો આરંભ કરવામાં આવ્યો હતો. જે રક્તદાન સાંજે 5 કલાક સુધીમાં 109 રક્તદાતા ઓએ રક્તદાન કર્યું હતું.હાલોલ ના મધવાસ જી.આઇ.ડી.સી ઔધોગિક વિસ્તારમાં આવેલ નોબેલ હાઇજીન કંપનીમાં કંપની સંચાલકો તેમજ કર્મચારીઓ દ્વારા સતત ત્રણ વર્ષથી રક્તદાન કેમ્પ નું આયોજન કરવામાં આવે છે.જે અંતર્ગત ચાલુ વર્ષે પણ કંપની દ્વારા ઇન્ડીયન રેડ ક્રોસ સોસાયટી વડોદરાના સહયોગ થી બ્લડ ડોનેશન કેમપનું આયોજન કરાયું હતું.આ પ્રંસગે કંપનીના ઉચ્ચ અધિકારી સંચાલક નિયામક તેમજ કંપનીના દરેક કર્મચારીઓ ઉપસ્થિત રહી રક્તદાતાઓનો ઉત્સાહ વધારી કાર્યક્રમ ને સફળ બનાવ્યો હતો.જેને લઈ યોજાયેલ શિબિરમાં 109 રક્તદાતા ઓએ રક્ત દાન કર્યું હતું.તેમજ આ રક્ત થેલેસેમીયા યુક્ત બાળકોને ફ્રી માં આપવામાં આવશે તેમ જાણવા મળ્યું હતું.
