TANKARA:ટંકારામાં ભાજપનો કેસરિયો માહોલ: ધારાસભ્ય દુર્લભજીભાઈ દેથરીયાની ઉપસ્થિતિમાં નગરપાલિકા અને પંચાયતોના ઉમેદવારોએ વિજય વિશ્વાસ સાથે ફોર્મ ભર્યા
TANKARA:ટંકારામાં ભાજપનો કેસરિયો માહોલ: ધારાસભ્ય દુર્લભજીભાઈ દેથરીયાની ઉપસ્થિતિમાં નગરપાલિકા અને પંચાયતોના ઉમેદવારોએ વિજય વિશ્વાસ સાથે ફોર્મ ભર્યા
આજરોજ ટંકારા ખાતે ભારતીય જનતા પાર્ટી દ્વારા આગામી સ્થાનિક સ્વરાજ્યની ચૂંટણીઓ માટે ભવ્ય વિજય સંકલ્પ સાથે ઉમેદવારી પત્રો ભરવામાં આવ્યા હતા. ટંકારા-પડધરી વિસ્તારના લોકપ્રિય ધારાસભ્ય શ્રી દુર્લભજીભાઈ દેથરીયાની પ્રેરક ઉપસ્થિતિમાં ભાજપના તમામ ઉમેદવારોએ પોતાના ફોર્મ રજૂ કર્યા હતા.
ટંકારા ભાજપ દ્વારા આજે કુલ ત્રણેય સ્તરની ચૂંટણી માટે ઉમેદવારોએ ફોર્મ ભર્યા હતા, જેની વિગત નીચે મુજબ છે:• નગરપાલિકા: કુલ ૨૪ બેઠકો • તાલુકા પંચાયત: કુલ ૧૬ બેઠકો • જિલ્લા પંચાયત: કુલ ૩ બેઠકો વિજય વિશ્વાસ અને ઉત્સાહ: ફોર્મ ભરવાના પ્રસંગે ધારાસભ્ય શ્રી દુર્લભજીભાઈ દેથરીયાએ કાર્યકરો અને ઉમેદવારોને સંબોધતા જણાવ્યું હતું કે, “ભારતીય જનતા પાર્ટીની વિકાસની રાજનીતિ અને જનસેવાના કાર્યો પર જનતાને અતુટ વિશ્વાસ છે. આજે ભરેલા આ ફોર્મ માત્ર કાગળ નથી, પરંતુ ટંકારાના સર્વાંગી વિકાસ માટેનો સંકલ્પ છે.”આ તકે મોટી સંખ્યામાં ભાજપના હોદ્દેદારો, શક્તિ કેન્દ્રના સંયોજકો અને પેજ સમિતિના કાર્યકરો ઉપસ્થિત રહ્યા હતા. કાર્યકરોમાં ભારે ઉત્સાહ જોવા મળ્યો હતો અને ‘ભારત માતા કી જય’ તેમજ ‘વંદે માતરમ’ના નારા સાથે વાતાવરણ કેસરીયા રંગે રંગાયું હતું.ભાજપના તમામ ઉમેદવારોએ જીતના દ્રઢ વિશ્વાસ સાથે આ ચૂંટણી જંગમાં ઝંપલાવ્યું છે, અને ટંકારાના મતદારો ફરી એકવાર ભાજપ પર કળશ ઢોળશે તેવો આશાવાદ વ્યક્ત કર્યો હતો.
