MORBI:મોરબીમાં બાંધકામ શ્રમિકોના સ્વાસ્થ્ય માટે ‘ધનવંતરી આરોગ્ય રથ’નું પ્રસ્થાન
MORBI:મોરબીમાં બાંધકામ શ્રમિકોના સ્વાસ્થ્ય માટે ‘ધનવંતરી આરોગ્ય રથ’નું પ્રસ્થાન કલેક્ટર કે.બી. ઝવેરીએ લીલી ઝંડી બતાવી
મોરબી: રાજ્યના બાંધકામ શ્રમયોગીઓના કલ્યાણ અને સ્વાસ્થ્ય રક્ષા માટે રાજ્ય સરકાર કટિબદ્ધ છે. આ અંતર્ગત ‘ગુજરાત મકાન અને અન્ય બાંધકામ શ્રમયોગી કલ્યાણ બોર્ડ’ દ્વારા મોરબી જિલ્લા માટે ફાળવવામાં આવેલા નવીન ‘ધનવંતરી આરોગ્ય રથ’નું જિલ્લા સેવા સદન ખાતેથી ભવ્ય પ્રસ્થાન કરાવવામાં આવ્યું હતું.
જિલ્લા કલેક્ટર કે.બી. ઝવેરીના હસ્તે આ રથને વિધિવત રીતે પ્રસ્થાન કરાવાયો હતો. આ અવસરે તેમની સાથે જિલ્લા પોલીસ વડા મુકેશ પટેલ જિલ્લા વિકાસ અધિકારી નવલદાન ગઢવી મુખ્ય જિલ્લા આરોગ્ય અધિકારી ડો. પી.વી. શ્રીવાસ્તવ સહિતના ઉચ્ચ અધિકારીઓ ઉપસ્થિત રહ્યા હતા.આ રથનો મુખ્ય ઉદ્દેશ્ય જિલ્લાની વિવિધ બાંધકામ સાઇટ પર પરસેવો પાડતા શ્રમિકોના સ્વાસ્થ્યની કાળજી લેવાનો છે.નિઃશુલ્ક સારવાર: શ્રમિકોને કામના સ્થળે જ વિનામૂલ્યે મેડિકલ ચેકઅપ અને દવાઓ પૂરી પાડવામાં આવશે.સમય અને નાણાંની બચત: શ્રમિકોએ હવે દવાખાને જવા માટે કામ છોડવું નહીં પડે, જેનાથી તેમના સમય અને આર્થિક ખર્ચમાં બચત થશે.રાષ્ટ્ર નિર્માણમાં ફાળો: શ્રમિકો રાષ્ટ્રના નિર્માણનો પાયો છે, તેથી તેમના સ્વાસ્થ્યને પ્રાથમિકતા આપવી અનિવાર્ય છે.આ લોકાર્પણ પ્રસંગે જિલ્લા નિરીક્ષક મિતેશ જોષી, પ્રોજેક્ટ મેનેજર હરેશભાઇ પરમાર, પ્રોજેક્ટ કો-ઓર્ડિનેટર જગદીશભાઈ તેમજ તબીબી સ્ટાફ અને બાંધકામ બોર્ડના કર્મચારીઓ મોટી સંખ્યામાં હાજર રહ્યા હતા.
આ નવીન સુવિધાથી મોરબી જિલ્લાના હજારો બાંધકામ શ્રમિકોને આરોગ્યપ્રદ જીવનશૈલી પ્રાપ્ત થશે અને બીમારીઓ સામે સુરક્ષા મળશે.
