MORBI:મોરબી આયુષ હોસ્પિટલના ડો. સત્યજીતસિંહ જાડેજાએ મરણાસન્ન દર્દીને આપ્યું નવજીવન
MORBI:મોરબી આયુષ હોસ્પિટલના ડો. સત્યજીતસિંહ જાડેજાએ મરણાસન્ન દર્દીને આપ્યું નવજીવન
રાજકોટ: તબીબી જગતમાં જ્યારે આશાના કિરણો ધૂંધળા થતા હોય છે, ત્યારે અનુભવી તબીબની કોઠાસૂઝ અને ત્વરિત નિર્ણયશક્તિ ચમત્કાર સર્જતી હોય છે. આવો જ એક કિસ્સો તાજેતરમાં આયુષ હોસ્પિટલ ખાતે જોવા મળ્યો હતો, જ્યાં નામાંકિત ડો. સત્યજીતસિંહ જાડેજા અને તેમની ટીમે એક ગંભીર અવસ્થામાં આવેલા દર્દીને મોતના મુખમાંથી ખેંચી લાવી નવું જીવન બક્ષ્યું છે.
ગઈ તારીખ ૩ માર્ચ, ૨૦૨૬ના રોજ ૬૩ વર્ષના એક વૃદ્ધ દર્દી અત્યંત નાજુક હાલતમાં આયુષ હોસ્પિટલના ઇમરજન્સી વિભાગમાં લાવવામાં આવ્યા હતા. ડો. સત્યજીતસિંહ જાડેજા દ્વારા પ્રાથમિક તપાસ દરમિયાન ચોંકાવનારી વિગતો સામે આવી હતી હૃદયના ધબકાર: દર્દીનું હૃદય સંપૂર્ણપણે બંધ થઈ ગયું હતું.ઓક્સિજન લેવલ: ઓક્સિજનનું સ્તર ઘટીને માત્ર 50% થઈ ગયું હતું.બ્લડ પ્રેશર (BP): બીપી એટલું ઓછું હતું કે તેને માપી શકાય તેમ નહોતું.યુદ્ધના ધોરણે સારવાર અને સફળતા દર્દીની ગંભીર હાલત અને મરણાવસ્થાને પારખી ગયેલા ડો. જાડેજાએ ક્ષણનો પણ વિલંબ કર્યા વગર સારવાર શરૂ કરી હતી.તાત્કાલિક પગલાં: દર્દીને તાબડતોબ વેન્ટીલેટર પર લેવામાં આવ્યા.CPR અને પંપીંગ: હોસ્પિટલની ટીમ દ્વારા હૃદયને કૃત્રિમ રીતે CPR આપીને પંપીંગ શરૂ કરવામાં આવ્યું અને જરૂરી ઈમરજન્સી દવાઓનો ડોઝ આપવામાં આવ્યો.ચમત્કાર: ટીમની મહેનત રંગ લાવી અને સાવ બંધ પડી ગયેલું હૃદય ફરીથી ધબકવા લાગ્યું.ત્યારબાદ, દર્દીને ICUમાં ખસેડી ડો. જાડેજાના સીધા નિરીક્ષણ હેઠળ સચોટ નિદાન અને સારવાર આપવામાં આવી હતી. આ અશક્ય લાગતા કેસમાં તબીબી કુશળતાને કારણે માત્ર ૬ જ દિવસમાં દર્દી સંપૂર્ણ સ્વસ્થ થયા અને હસતા મોઢે હોસ્પિટલમાંથી રજા મેળવી.”ક્રિટિકલ કેરના કિસ્સાઓમાં સમયનું મહત્વ ખૂબ વધારે હોય છે. જ્યારે દર્દી મરણાવસ્થામાં હોય ત્યારે સચોટ નિર્ણય અને ટીમ વર્ક જ જીવ બચાવી શકે છે.” – ડો. સત્યજીતસિંહ જાડેજા
આયુષ હોસ્પિટલ દ્વારા જટિલ અને પડકારભર્યા કેસોમાં સતત મેળવવામાં આવતી આવી સફળતાઓ દર્દીઓ માટે આશીર્વાદરૂપ સાબિત થઈ રહી છે.
