TANKARA:ટંકારા વિધાનસભા મત વિસ્તારમાં ૧૭, વાંકાનેર ૧૮ અને મોરબીમાં ૨૦ નવેમ્બરે એકતા પદયાત્રા યોજાશે
TANKARA:ટંકારા વિધાનસભા મત વિસ્તારમાં ૧૭, વાંકાનેર ૧૮ અને મોરબીમાં ૨૦ નવેમ્બરે એકતા પદયાત્રા યોજાશે
સરદાર વલ્લભભાઈ પટેલની ૧૫૦ ની જન્મ જયંતી ની સમગ્ર ગુજરાત રાજ્યની સાથે દેશભરમાં ઉજવણી કરવામાં આવી રહી છે, જેના ભાગરૂપે યોજાઇ રહેલા વિવિધ કાર્યક્રમો અન્વય મોરબી જિલ્લામાં પણ વિધાનસભા મત વિસ્તાર મુજબ એકતા પદયાત્રાનું આયોજન કરવામાં આવ્યું છે. આ કાર્યક્રમના સુચારું આયોજન માટે કલેકટરશ્રી સ્વપ્નિલ ખરે સંબંધિત વિભાગો સાથે સમીક્ષા બેઠક યોજી હતી.
આ બેઠકમાં જિલ્લામાં યોજાના વિવિધ કાર્યક્રમો અંતર્ગત જરૂરી સૂચનો કરવામાં આવ્યા હતા
આ પદયાત્રાના આયોજન અન્વયે ૧૭/૧૧/૨૦૨૫ ના રોજ સવારે ૦૮:૦૦ કલાકે ૬૬-ટંકારા પડધરી વિધાનસભા મત વિસ્તાર માટેની એકતા પદયાત્રા યોજાશે. જેનું આર્ય સમાજ ટંકારા ખાતેથી પ્રસ્થાન કરવામાં આવશે હરબટીયાળી ખાતે સમાપન કરવામાં આવશે.
૧૮/૧૧/૨૦૨૫ ના રોજ સવારે ૦૮:૦૦ કલાકે ૬૬-વાંકાનેર મત વિસ્તાર વિધાનસભા માટેની એકતા પદયાત્રા યોજાશે. જેનું કિરણ સીરામીક રાતી દેવડી ખાતેથી પ્રસ્થાન કરવામાં આવશે વાંકાનેર ટાઉનહોલ ખાતે સમાપન કરવામાં આવશે.
૨૦/૧૧/૨૦૨૫ ના રોજ સવારે ૦૯:૦૦ કલાકે ૬૫-મોરબી માળીયા વિધાનસભા મત વિસ્તાર માટેની એકતા પદયાત્રા યોજાશે. જેનું સરદાર પટેલના સ્ટેચ્યુ, નવા બસ સ્ટેન્ડની સામેથી પ્રસ્થાન કરવામાં આવશે મણીમંદિર/શક્તિ ચોક ખાતે સમાપન કરવામાં આવશે.
આ એકતા પદયાત્રા દરમિયાન રૂટ પર વિવિધ વ્યવસ્થાઓ કરવામાં આવશે, શ્રી સરદાર પટેલના જીવન આધારિત પ્રદર્શન તથા યોગ પ્રદર્શન કરવામાં આવશે અને વિવિધ સાંસ્કૃતિક કાર્યક્રમનું પણ આયોજન કરવામાં આવશે.
આ બેઠકમાં નિવાસી અધિક કલેક્ટરશ્રી એસ.જે. ખાચર, નાયબ કલેક્ટરશ્રી ઉમંગ પટેલ, મોરબી પ્રાંત અધિકારીશ્રી પ્રવીણસિંહ જેતાવત, મોરબી મહાનગર પાલિકાના ડેપ્યુટી કમિશ્નરશ્રી કુલદીપસિંહ વાળા, નાયબ જિલ્લા વિકાસ અધિકારીશ્રી શૈલેષચંદ્ર ભટ્ટ સહિતના અધિકારીઓ ઉપસ્થિત રહ્યા હતા. મોરબી મુખ્ય મથક સિવાયના અધિકારીશ્રીઓ વીડિયો મીટના માધ્યમથી આ બેઠકમાં જોડાયા હતા.
