MORBI:મોરબી બેટરીના પાણીના પાર્સલની આડમાં છુપાવેલો રૂ. ૪.૫૭ લાખનો વિદેશી દારૂ ઝડપાયો
MORBI:મોરબી બેટરીના પાણીના પાર્સલની આડમાં છુપાવેલો રૂ. ૪.૫૭ લાખનો વિદેશી દારૂ ઝડપાયો
મોરબી: મોરબી સીટી એ ડિવિઝન પોલીસે બાતમીના આધારે લાતી પ્લોટ વિસ્તારમાં એક સફળ દરોડો પાડીને વિદેશી દારૂના મોટા જથ્થા સાથે એક શખ્સને ઝડપી લીધો છે. આરોપીએ પોલીસને છેતરવા માટે બેટરીના પાણીના પાર્સલની આડમાં દારૂ છુપાવ્યો હતો, પરંતુ પોલીસે તેની ચાલ નિષ્ફળ બનાવી છે.
મોરબી પોલીસને સચોટ બાતમી મળી હતી કે વાપીથી ખાનગી ટ્રાવેલ્સ મારફતે બેટરીના પાણીના પાર્સલના નામે વિદેશી દારૂનો જથ્થો મંગાવવામાં આવ્યો છે. આ પાર્સલ લેવા માટે મોરબીનો તૌફીક બુખારી નામનો શખ્સ રિક્ષા લઈને લાતી પ્લોટ શેરી નંબર-૬ પાસે પહોંચ્યો હતો. પોલીસની ટીમે વોચ ગોઠવીને તુરંત જ દરોડો પાડ્યો હતો.તપાસ દરમિયાન રિક્ષામાં રહેલા ૧૦ બોક્સમાંથી ૭ બોક્સમાં વિદેશી દારૂની બોટલો મળી આવી હતી. પોલીસ દ્વારા જપ્ત કરાયેલ વિદેશી દારૂની બોટલ: ૧૨૪૮ નંગ (કિંમત રૂ. ૪,૦૫,૬૦૦/-) લોડિંગ રિક્ષા: GJ-03-BX-5810 બેટરી વોટર: ૧૮ બોટલો અને બનાવટી બિલ.કુલ મુદ્દામાલ: રૂ. ૪,૫૭,૪૦૦/-આરોપીઓની ધરપકડ અને તપાસ પોલીસે સ્થળ પરથી તૌફીક મહેબુબભાઈ બુખારી (રહે. ખાટકીવાસ, મોરબી) ની ધરપકડ કરી છે. પ્રાથમિક પૂછપરછમાં જાણવા મળ્યું છે કે આ દારૂનો જથ્થો રાજકોટના સાહીલ હનીફભાઈ પરમાર નામના શખ્સે મંગાવ્યો હતો. હાલમાં સાહીલ ફરાર છે, જેને પકડવા માટે પોલીસે ચક્રો ગતિમાન કર્યા છે.આ કામગીરીથી મોરબીમાં ગેરકાયદેસર પ્રવૃત્તિ કરતા તત્વોમાં ફફડાટ ફેલાઈ ગયો છે.
