અરવલ્લી
અહેવાલ :હિતેન્દ્ર પટેલ
મોડાસાના માળકંપા પ્રા શાળા માં મધ્યાહન કક્ષમાં ચોરી : ઘઉં, ચોખા, તેલના 3 ડબા તેમજ ગેસની 2 બોટલ ચોરાઈ
મોડાસાના માળકંપા પ્રાથિક શાળામાં બાળકોને બપોરના સમયે શાળાના મધ્યાહન ભોજનના સંચાલક કમળાબેન વણકરએ મધ્યાહન ભોજન આપેલ તથા સાંજના ચારેક વાગ્યાના સમયે નાસ્તો આપેલ હતો અને મધ્યાહન ભોજનના રૂમમાં સામાન મુકી રૂમનો દરવાજો બંધ કરી દરવાજાને તાળુ મારી ચાવી પરત શાળાના આચાર્ય ને આપેલ હતી. આ મધ્યાહન ભોજન રુમમાં મધ્યાહન ભોજનનો સામાન ઘઉં, ચો ખા, તેલ તથા અન્ય મરી મસાલા તથા ભોજન બનાવવા માટેની ગેસની સગડી તથા ગેસની બોટલો હતી અને સાંજના પાંચ વાગે શાળા છુટતા શાળાના ગેટ નો દરવાજો બંધ કરી તાળુ મારેલ હતું જેમાં કોઈ અજાણ્યા ચોર ઇસમે તા.૧૪/૦૭/૨૦૨૫ ના કલાક, ૧૭/૦૦ થી તા. ૧૫/૦૭/૨૦૨૫ ના સવારના ક લાક. ૧૦/૩૦ વાગ્યાના સમય ગાળા દરમ્યાન માળકંપા પ્રાથમિક શાળાના મધ્યાહન ભોજનના રૂમનું તાળુ તોડી અંદર પ્રવેશ કરી રૂમમાંથી ઘઉં ૭૦ કિલો ૭૦૦ ગ્રામ કિ.રૂ.૧૯૦૦/ ના તથા ચોખા ૧૧ કિલો ૪૦૦ ગ્રામ કિ.રૂ. ૨૪૦૦/ ના તથા કલ્પતરુ કપાસીયા તેલના ડબ્બા નંગ ૩ લીટર ૪૦ કિ.રૂ.૪૮૮૦/ના તથા એચ.પી.કંપનીની ગેસની બે બોટલો નંગ ૨ કિ.રૂ.૨૫૦૦/- નો મળી કુલ કિ.રૂ. ૧૧૬૮૦/ના મત્તાની કોઈ ચોર ઇસમે ચોરી કરી લઈ જઈ ગુન્હો કર્યા હોવાની મોડાસા રૂરલ પોલીસ સ્ટેશન ખાતે ફરિયાદ નોંધાઈ છે જેને લઇ પોલીસે પણ તપાસ હાથ ધરી છે
