HALVAD:હળવદના ટીકર ગામે તસ્કરોનું આતંક રેણાક મકાનમાંથી રૂ.3.94 લાખના સોનાના દાગીના ની ચોરી
HALVAD:હળવદના ટીકર ગામે તસ્કરોનું આતંક રેણાક મકાનમાંથી રૂ. 3.94 લાખના સોનાના દાગીના ની ચોરી
હળવદ તાલુકાના ટીકર (રણ) ગામે તસ્કરોએ કાયદાનો ડર રાખ્યા વગર એક રહેણાંક મકાનને નિશાન બનાવ્યું છે. મકાનના તાળા તોડી અજાણ્યા તસ્કરો આશરે સાડા પાંચ તોલા સોનાના દાગીનાની ચોરી કરી રફુચક્કર થઈ ગયા હોવાની ફરિયાદ પોલીસ ચોપડે નોંધાઈ છે.
મળતી માહિતી મુજબ, ટીકર (રણ) ગામે રહેતા ૨૪ વર્ષીય યુવાન સુરેશભાઈ કાનજીભાઈ મકવાણાના મકાનમાં આ ચોરીની ઘટના બની હતી. અજાણ્યા તસ્કરોએ દિવસ અથવા રાત્રિના સમયે મકાનની દિવાલ કૂદીને અંદર પ્રવેશ કર્યો હતો. તસ્કરોએ ઘરના મુખ્ય દરવાજા તેમજ અંદરના રૂમના લોક તોડી કબાટમાં રાખેલા કિંમતી દાગીનાની લૂંટ ચલાવી હતી.ફરિયાદમાં જણાવ્યા અનુસાર, તસ્કરો નીચે મુજબના સોનાના દાગીના લઈ ગયા છે: ગળાના હાર: ૨ નંગ કાનની બુટી (સેર સાથે): ૧ જોડી સોનાની વીંટી: ૨ નંગ ચોરાયેલા આ તમામ દાગીનાનું કુલ વજન આશરે ૫.૫ તોલા થાય છે, જેની બજાર કિંમત ₹૩,૯૪,૦૫૭/- આંકવામાં આવી છે.આ મામલે સુરેશભાઈએ હળવદ પોલીસ સ્ટેશનમાં અજાણ્યા ચોર ઈસમો વિરુદ્ધ ફરિયાદ નોંધાવી છે. પોલીસે આઈ.પી.સી.ની સંબંધિત કલમો હેઠળ ગુનો નોંધીને તસ્કરોને પકડવા માટે ચક્રો ગતિમાન કર્યા છે. ગ્રામ્ય પંથકમાં ધોળા દિવસે કે રાત્રિના સમયે થયેલી આ ચોરીથી ગ્રામજનોમાં ભય અને ફફડાટ ફેલાયો છે.
