JODIYA જોડિયાના યુવાન દર્શન ગોસ્વામીએ રાજ્ય કક્ષાના ખેલ મહાકુંભમાં બોક્સિંગમાં સિલ્વર મેડલ જીત્યો
JODIYA જોડિયાના યુવાન દર્શન ગોસ્વામીએ રાજ્ય કક્ષાના ખેલ મહાકુંભમાં બોક્સિંગમાં સિલ્વર મેડલ જીત્યો
રિપોર્ટ લલીતભાઈ નિમાવત બાલંભા
જોડિયા: પ્રત્યેક યુવાવર્ગની અંદર એક અનોખી પ્રતિભા છુપાયેલી હોય છે, બસ તેને યોગ્ય અવસર અને મંચની જરૂર હોય છે. આવી જ પ્રતિભાનું સચોટ પ્રદર્શન કરીને જોડિયાના યુવાને સમગ્ર પંથકનું નામ રોશન કર્યું છે.ગુજરાત રાજ્ય ઈન્ટર ક્લબ દ્વારા આયોજિત વિશુ મીટ હેઠળ રાજ્ય કક્ષાની ખેલ પ્રતિયોગિતાનું ભવ્ય આયોજન તાજેતરમાં ૨૭ થી ૨૯ માર્ચ દરમિયાન કરવામાં આવ્યું હતું. આ હરિફાઈમાં જોડિયાના આશાસ્પદ યુવાન દર્શન સી. ગોસ્વામીએ બોક્સિંગ સ્પર્ધામાં ભાગ લીધો હતો.
દર્શન ગોસ્વામીએ રીંગમાં ઉતરીને પોતાની કુશળતા અને સ્ફૂર્તિનો પરિચય આપતા મજબૂત હરીફોને માત આપી હતી. ફાઈનલ સુધીની સફર ખેડીને તેણે રાજ્ય કક્ષાએ બીજું સ્થાન પ્રાપ્ત કરી “સિલ્વર મેડલ” પોતાના નામે કર્યો છે.
સમાજ અને ગામનું ગૌરવ વધાર્યું જોડિયા ગામનું નામ ખેલ જગતમાં ગુંજતું થયું છે.સ્થાનિક ગોસ્વામી સમાજમાં ખુશીની લહેર વ્યાપી ગઈ છે.યુવા પેઢી માટે દર્શન એક પ્રેરણાસ્ત્રોત બન્યો છે.રાજ્ય સ્તરે રજત ચંદ્રક જીતીને પરત ફરેલા દર્શન ગોસ્વામી પર હાલ ચારેતરફથી અભિનંદન અને શુભેચ્છાઓનો વરસાદ થઈ રહ્યો છે. તેમની આ સિદ્ધિ બદલ પરિવારજનો અને મિત્રોમાં પણ અનેરો ઉત્સાહ જોવા મળી રહ્યો છે.
