વાત્સલ્યમ્ સમાચાર.
રિપોર્ટ :- રમેશ મહેશ્વરી-બિમલભાઈ માંકડ-ભુજ કચ્છ.
ભુજ તા-11 માર્ચ : આંતરરાષ્ટ્રીય મહિલા દિન નિમિતે ભુજ તાલુકા પ્રાથમિક શિક્ષક સમાજ અને મહિલા સમિતિ દ્વારા તાલુકાની પ્રાથમિક શાળાઓમાં ફરજ બજાવતી મહિલા શિક્ષિકાઓ માટે હિલ ગાર્ડન ખાતે બોક્સ ક્રિકેટ ટુર્નામેન્ટનું આયોજન કરવામાં આવ્યું હતું. રાજ્ય પ્રાથમિક શિક્ષક સંઘના કાર્યાધ્યક્ષ હરિસિંહ જાડેજા, ઉપપ્રમુખ વિલાસબા જાડેજા, જિલ્લા સંઘના કોષાધ્યક્ષ ધર્મેન્દ્રસિંહ જાડેજા, ધીરજ ઠક્કર સહિતના અગ્રણીઓની ઉપસ્થિતિમાં તાલુકા પ્રાથમિક શિક્ષણાધિકારી હસુમતીબેન પરમારે ટોસ ઉછાળીને આ ચતુર્થ બોક્સ ક્રિકેટ ટુર્નામેન્ટનો પ્રારંભ કરાવ્યો હતો. ઉદઘાટન કાર્યક્રમમાં તાલુકા પ્રા.શિક્ષક સમાજ ના પ્રમુખ ઘનશ્યામસિંહ જાડેજાએ સૌને આવકાર્યા હતા. શિક્ષિકાઓમાં ખેલદિલી, સંઘ ભાવના અને સ્ત્રી સશક્તિકરણ જેવા ગુણો ઉજાગર થાય એ હેતુ થી રમાયેલ આ ટુર્નામેન્ટમાં તાલુકાની કુલ ૮ ટીમો એ ભાગ લીધો હતો. ખુદ મહિલા તાલુકા પ્રાથમિક શિક્ષણાધિકારીએ પણ પોતાની ટીમ ઉતારી હતી. ટુર્નામેન્ટ ની ફાઈનલ મેચ ભૂમિકા પરમારની આશાપુરા રિટર્નસ અને મીનાક્ષી ચૌહાણની જય માતાજી રિટર્ન્સ વચ્ચે સુપર સિક્સ મેચ સ્વરૂપે રમાઈ હતી જેમાં ૮૪ રનનો લક્ષ્યાંક પૂર્ણ કરી આશાપુરા રિટર્નસ સતત ત્રીજી વખત ટુર્નામેન્ટની ચેમ્પિયન બની હતી. આ ટુર્નામેન્ટમાં કુલ ૩૧૯ રન બનાવી ૨ વિકેટ ઝડપનાર કિંજલબેન પેંગોરિયાને પ્લેયર ઓફ ધ સીરીઝ જાહેર કરવામાં આવ્યા હતા. ઉપસ્થિત મહેમાનોના હસ્તે વિજેતા અને રનર્સ અપ ટીમ ઉપરાંત પ્લેયર્સ ઓફ ટુર્નામેન્ટને ટ્રોફીઓ એનાયત કરવામાં આવી હતી. દાતા મીનાબેન પ્રવિણભાઇ ભદ્રા તરફથી વિજેતા અને ઉપવિજેતા ટીમના ખેલાડીઓને અનુક્રમે ગોલ્ડ અને સિલ્વર મેડલ અપાયા હતા. સાથે સ્પર્ધામાં ભાગ લેનાર તમામ ખેલાડીઓ અને આયોજકોને બોલપેન ભેટ આપવામાં આવી હતી. જિલ્લા સંઘના પ્રમુખ નયનસિંહ જાડેજા અને બી.આર.સી. ભરત પટોડિયાએ શુભેચ્છા પાઠવી આયોજનને બિરદાવ્યું હતું. ટુર્નામેન્ટને સફળ બનાવવા મેહુલ જોષી, કાંતિભાઈ સુથાર, વિરલસિંહ જાડેજા, જયેન્દ્રસિંહ ઝાલા, હાર્દિક ત્રિપાઠી, ધવલ ત્રિવેદી, ઉતમ મોતા, નિલેશ અજાણી, અનિલ રૂપારેલ, જય ચનિયારા , અનિરુદ્ધસિંહ જાડેજા ઉપરાંત મહિલા સમિતિના પુષ્પા વરસાણી , મીનાક્ષી ચૌહાણ, હયાતી ત્રિપાઠી, ચાર્વી અંજારિયા, ચેતના જોશી ,રક્ષાબા જાડેજા, રચના વણોલ, લીલાબેન ભાભોર સહિતનાઓએ જહેમત ઉઠાવી હતી. કાર્યક્રમનું સંચાલન મેહુલ જોષીએ જ્યારે આભારવિધિ વિલાસબા જાડેજાએ કરી હતી.
