MALIYA (Miyana) મોટા દહીંસરા ગામે વિનોદ ચાવડા પ્રચાર દરમિયાન કરણી સેનાના કાર્યકરોએ ભારે સૂત્રોચ્ચાર કરીને વિરોધ

MALIYA (Miyana) મોટા દહીંસરા ગામે વિનોદ ચાવડા પ્રચાર પ્રચાર દરમિયાન કરણી સેનાના કાર્યકરોએ ભારે સૂત્રોચ્ચાર કરીને વિરોધ

મોરબી : ક્ષત્રિય સમાજ દ્વારા ઠેર ઠેર પરસોત્તમ રૂપાલાનો વિરોધ થઈ રહ્યો છે. હવે આ વિરોધનો સામનો ભાજપના અન્ય ઉમેદવારોને પણ કરવો પડી રહ્યો છે. આજ રોજ માળિયા મિયાણા તાલુકાના મોટા દહીંસરા ગામે પ્રચાર માટે આવી રહેલા ભાજપના ઉમેદવાર વિનોદ ચાવડાને રાજપૂત કરણી સેનાના વિરોધનો સામનો કરવો પડ્યો હતો. જોકે પોલીસે કરણી સેનાના આગેવાનોની અટકયત કરી હતી.

પ્રાપ્ત વિગતો મુજબ માળીયા મિયાણા તાલુકાના મોટા દહીંસરા ગામે આજે પ્રચાર માટે કચ્છ – મોરબી લોકસભા બેઠકના ઉમેદવાર વિનોદ ચાવડા આવવાના હોવાની જાણ થતાં જ રાજપૂત કરણી સેનાના કાર્યકરોએ ભારે સૂત્રોચ્ચાર કરીને વિરોધ નોંધાવ્યો હતો. સાથે જ જય ભવાનીના નારા લગાવીને ભાજપ હાય હાયના સૂત્રોચ્ચાર કરવામાં આવ્યા હતા.