JAMNAGAR શ્રીમદ્ ભગવદ્ ગીતા જયંતિ નિમિત્તે જામનગરના બાલમભામાં ‘ગીતા જ્ઞાન અને તુલસી રહસ્ય પ્રતિયોગિતા’નું આયોજન
JAMNAGAR શ્રીમદ્ ભગવદ્ ગીતા જયંતિ નિમિત્તે જામનગરના બાલમભામાં ‘ગીતા જ્ઞાન અને તુલસી રહસ્ય પ્રતિયોગિતા’નું આયોજન
જામનગર: ભારતીય સંસ્કૃતિ અને સનાતન ધર્મના પ્રચાર-પ્રસારના ઉમદા હેતુથી જામનગર જિલ્લાના બાલમભા ગામે ગીતા જયંતિ નિમિત્તે એક અનોખી પહેલ કરવામાં આવી હતી. શ્રી ચામુંડા માતાજી મંદિર, શાંતિનગર તરફથી પૂજ્ય સંત શ્રી અશરામજી બાપુના સાધક પરિવાર દ્વારા વિનામૂલ્યે “ગીતા જ્ઞાન તથા તુલસી રહસ્ય પ્રતિયોગિતા”નું આયોજન કરવામાં આવ્યું હતું.
૨૬૮ વિદ્યાર્થીઓએ લીધો ભાગ આ પ્રતિયોગિતામાં બાલમભાની હાઈસ્કૂલ, તાલુકા શાળા તેમજ શાંતિનગરની પ્રાથમિક શાળામાં અભ્યાસ કરતા ધોરણ ૪ થી ૧૨ સુધીના કુલ ૨૬૮ જેટલા વિદ્યાર્થીઓએ ઉત્સાહભેર ભાગ લીધો હતો.
કાર્યક્રમનું આયોજન તા. ૨૮ નવેમ્બર, શુક્રવારના રોજ સવારે ૧૧:૩૦ થી ૧૨:૩૦ દરમિયાન જે તે શાળાના પરિસરમાં કરવામાં આવ્યું હતું. વિનામૂલ્યે પુસ્તકો અને પ્રસાદ વિતરણ
આ સેવાકીય પ્રવૃત્તિ દરમિયાન તમામ વિદ્યાર્થીઓને મૂલ્યવાન જ્ઞાન પૂરું પાડવાના ઉદ્દેશથી:શ્રીમદ્ ભગવદ્ ગીતા અને તુલસી રહસ્યના પુસ્તકો વિનામૂલ્યે આપવામાં આવ્યા હતા.
ગીતા જ્ઞાન મેળવનાર બાળકોને પ્રોત્સાહિત કરવા જામફળ અને બિસ્કિટ પેકેટ પ્રસાદ રૂપે આપવામાં આવ્યા હતા.
દરેક સ્કૂલના આચાર્ય અને સ્ટાફે આ સેવાકીય પ્રવૃત્તિની ખૂબ પ્રશંસા કરી હતી અને ભારતીય સંસ્કૃતિના જ્ઞાનને વિદ્યાર્થીઓ સુધી પહોંચાડવાના આ પ્રયાસને બિરદાવ્યો હતો.
