MORBI:મોરબી મહાનગરપાલિકામાં સમાવેસ થતાં રોડ દબાણ શાખાએ ખુલ્લા કર્યા
મોરબી મહાનગરપાલિકાની એસ્ટેટ અને દબાણ શાખાએ મોરબી મનપાની હદ વિસ્તારમાં આવતા વિસ્તારોમાથી અનધિકૃત રીતે કરવામાં આવેલા દબાણો દૂર કર્યા હતા. જે અંતર્ગત મોરબીના શનાળા રોડ, મહેન્દ્રનગર ગામ, જૂના બસ સ્ટેન્ડ રોડ પરથી દબાણ દૂર કરવાની કામગીરી દબાણ શાખાએ કામગીરી કરી હતી.
મોરબી મહાનગરપાલિકાની એસ્ટેટ અને દબાણ શાખા દ્વારા અનધિકૃત કરેલ દબાણો દૂર કરવાની કામગીરી કરવામાં આવી હતી. આ કામગીરી દરમિયાન મોરબી મનપામાં સમાવિષ્ટ થતા સરદારબાગથી ઉમિયા સર્કલ, ગેંડા સર્કલ થી મહેન્દ્રનગર ગામ, નેહરુ ગેટ થી જૂના બસ સ્ટેન્ડ રોડ પરથી દબાણ દૂર કરવાની કામગીરી કરવામાં આવી હતી. આ કામગીરી દરમિયાન મનપા ની એસ્ટેટ અને દબાણ શાખાએ 22 અનધિકૃત દબાણ દૂર કરી સમગ્ર રોડને ખુલ્લો કર્યો હતો. રોડ પર દબાણ કરતાં લોકો સમક્ષ દંડ સહિત ની કામગીરી હાથ ધરવામાં આવી હતી, જેમાં મનપાએ અંદાજિત રૂ.8700-/ જેટલી રકમ અનધિકૃત દબાણ કરનાર પાસે થી વસૂલ કર્યો હતો. આ કામગીરી થી આ વિસ્તાર માંથી પસાર થતાં રાહદારીઓ અડચણ મુક્ત વાહન વ્યવહાર કરી શકશે.વધુમાં, મોરબી મહાનગરપાલિકાની દબાણ શાખા દ્વારા રવાપર રોડથી લીલાપર ચોકડી, GIDC રોડ તેમજ સ્વાગત ચોકડીથી રવાપર ગામ તરફ ગેરકાયદેસર હોર્ડિંગ/કિઓસ્ક દૂર કરવામાં આવ્યા હતા, જેમાં અંદાજિત 60 કીઓસ્ક અને 10 હોડિંગ્સ દૂર કરવાની કામગીરી કરવામાં આવી હતી.
