MORBI:મોરબી કચ્છ નેશનલ હાઇવે મચ્છુના પાણી ફરી વળ્યા- આગામી 36 કલાક સુધી હાઇવે બંધ
MORBI:મોરબી કચ્છ નેશનલ હાઇવે મચ્છુના પાણી ફરી વળ્યા – આગામી 36 કલાક સુધી હાઇવે બંધ
મોરબીના મહાકાય મચ્છુ-1 છલકાઈ જતા મચ્છુ-2 ડેમના તમામ દરવાજા ખોલી નાખવામાં આવતા હાલમાં અઢી લાખ ક્યુસેકથી વધુ પાણી મચ્છુ નદીમાં છોડવામાં આવી રહ્યું હોવાથી માળીયા મિયાણા નેશનલ હાઇવે ઉપર મચ્છુના પાણી ફરી વળ્યાં છે અને લોકોની સલામતી માટે કચ્છ પોલીસે સામખીયારી પાસેથી જ નેશનલ હાઇવે વાહન ચાલકો માટે બંધ કરી દીધો છે.
પૂર્વ કચ્છ એસપી સાગર બાગમારે જણાવ્યું હતું કે, અતિભારે વરસાદને કારણે મોરબીના મચ્છુ-2 ડેમના 32 જેટલા દરવાજા ખોલાતા સામખીયારી – મોરબી નેશનલ હાઇવે વાહન ચાલકોની સલામતી માટે બંધ કરાયો છે. વધુમાં મોરબી – કચ્છ હાઇવે બંધ કરવામાં આવતા કચ્છથી અમદાવાદ તરફ જતા તમામ વાહનના ચાલકોને સમજ કરવામાં આવે છે કે સામખીયારી ચામુંડા હોટલ પરથી ડાયવર્ઝન આપેલ હોય રાઘનપુર પાલનપુર રોડનો ઉપયોગ ક૨વો જે અંગે અમલવારી કરવા ભુજ કચ્છ જીલ્લાના તમામ વાહન ચાલકોને વર્તમાન સ્થિતિ જોતા આગામી 36 કલાક સુધી મોરબી કચ્છ હાઇવે બંધ રહે તેવી શકયતા પણ કચ્છ પૂર્વ એસપીએ વ્યક્ત કરી હતી.
