MORBI:મોરબી મહાનગરપાલિકા એક્શન મોડમાં: PGVCLનું રૂ.16.33 કરોડનું બાકી બિલ ચૂકવાયું, શહેર ઝગમગશે
MORBI:મોરબી મહાનગરપાલિકા એક્શન મોડમાં: PGVCLનું રૂ.16.33 કરોડનું બાકી બિલ ચૂકવાયું, શહેર ઝગમગશે
મોરબી શહેરને મહાનગરપાલિકાનો દરજ્જો મળ્યા બાદ તંત્ર દ્વારા શહેરના વિકાસ અને પાયાની સુવિધાઓને વેગ આપવા માટે મહત્વના નિર્ણયો લેવામાં આવી રહ્યા છે. ખાસ કરીને ઇલેક્ટ્રિકલ શાખા દ્વારા શહેરની રોશની અને વીજ પુરવઠાને લગતી કામગીરીમાં મોટી સફળતા મળી છે.
થોભ્યા વગર કામગીરી: PGVCLના લેણાંની પૂર્ણાહુતિ
મોરબી નગરપાલિકા સમયથી PGVCL (પશ્ચિમ ગુજરાત વીજ કંપની લિમિટેડ) ના અંદાજે ₹16.33 કરોડ જેટલી માતબર રકમના વીજ બિલો બાકી હતા. મહાનગરપાલિકા દ્વારા આ તમામ બાકી લેણાંની સંપૂર્ણ ચૂકવણી કરી દેવામાં આવી છે. આ રકમમાં નીચે મુજબના જોડાણોનો સમાવેશ થાય છે શહેરની તમામ સ્ટ્રીટ લાઈટના મીટર.ડ્રેનેજ પમ્પિંગ સ્ટેશનોના વીજ કનેક્શન.વોટર સપ્લાય પમ્પિંગ સ્ટેશનોના બાકી બિલો.નવા પોલ અને આધુનિક લાઈટિંગ શહેરના મુખ્ય માર્ગો પર અંધારપટ દૂર કરવા માટે મહાનગરપાલિકા દ્વારા નવા સ્ટ્રીટ લાઈટ પોલ નાખવાની કામગીરી યુદ્ધના ધોરણે ચાલી રહી છે. આ પ્રોજેક્ટનો મુખ્ય ઉદ્દેશ્ય નાગરિકોને રાત્રિના સમયે સુરક્ષા પૂરી પાડવાનો અને શહેરના સૌંદર્યમાં વધારો કરવાનો છે.”આગામી દિવસોમાં મોરબી શહેરમાં લાઈટોને લગતી તમામ ફરિયાદોનું ઝડપી નિવારણ આવશે. મહાનગરપાલિકા નાગરિકોની સુવિધા માટે કટિબદ્ધ છે.”લાંબા સમયથી ચાલતી વીજ બિલની સમસ્યાનો અંત આવતા હવે પાણી પુરવઠો અને ડ્રેનેજ જેવી અનિવાર્ય સેવાઓમાં પણ વીજ કાપ જેવી મુશ્કેલીઓ નડશે નહીં. મોરબી હવે વધુ પ્રકાશિત અને સુવિધાસભર બનવા તરફ આગળ વધી રહ્યું છે.
