MORBI:PGVCL મોરબી કચેરીમાં ભ્રષ્ટાચાર પર મોટો ઘા: નાયબ ઈજનેર સહિત બે કર્મચારી લાંચ લેતા ACBના હાથે ઝડપાયા!
MORBI:PGVCL મોરબી કચેરીમાં ભ્રષ્ટાચાર પર મોટો ઘા: નાયબ ઈજનેર સહિત બે કર્મચારી લાંચ લેતા ACBના હાથે ઝડપાયા!
મોરબી: ગુજરાતમાં એન્ટિ કરપ્શન બ્યુરો (ACB) દ્વારા ભ્રષ્ટાચાર વિરુદ્ધ ચાલી રહેલા અભિયાનમાં આજે મોરબીની PGVCL (પશ્ચિમ ગુજરાત વીજ કંપની લિમિટેડ) કચેરીમાં વધુ એક મોટો શિકાર કરવામાં આવ્યો છે. PGVCL કચેરીના નાયબ ઈજનેર મિનેષ અરજણભાઈ જાદવ અને અન્ય એક કર્મચારી પ્રવીણ માકાસણાને ₹20,000ની લાંચ લેતા રંગેહાથ ઝડપી પાડવામાં આવ્યા હતા, જેનાથી સરકારી વર્તુળોમાં ખળભળાટ મચી ગયો છે.
લાંચ લેવાનું કારણ પ્રાપ્ત માહિતી અનુસાર, આ બંને સરકારી કર્મચારીઓએ એક ફરિયાદી પાસેથી કાયદેસરના કામ માટે આ રકમની માગણી કરી હતી. ફરિયાદી દ્વારા આ અંગે રાજકોટ ACBનો સંપર્ક કરવામાં આવ્યો હતો, જેના આધારે એક વ્યૂહાત્મક છટકું ગોઠવવામાં આવ્યું હતું. ACBની સફળ કાર્યવાહી રાજકોટ ACB એકમના મદદનીશ નિયામક કે.એચ. ગોહિલના માર્ગદર્શન હેઠળ રચાયેલી ટીમે આજે PGVCL કચેરી પરિસરમાં જ ટ્રેપ ગોઠવી હતી.જ્યારે આરોપી મિનેષ અરજણભાઈ જાદવ અને પ્રવીણ માકાસણા ફરિયાદી પાસેથી લાંચની રકમ ₹20,000 સ્વીકારી રહ્યા હતા, ત્યારે ACB ટીમે તેમને પકડી પાડ્યા હતા. પકડાયેલા બંને આરોપીઓ સામે કાયદેસરની કાર્યવાહી હાથ ધરવામાં આવી છે ACBની આ સફળતાએ ફરી એકવાર સાબિત કરી દીધું છે કે ભ્રષ્ટ અધિકારીઓને કોઈ પણ સંજોગોમાં છોડવામાં આવશે નહીં.
