MORBI:મોરબી મકરસંક્રાંતિના પર્વે વોર્ડ નં. ૧૨માં ભક્તિમય માહોલમાં ‘બટુક ભોજન’નું સુંદર આયોજન
MORBI:મોરબી મકરસંક્રાંતિના પર્વે વોર્ડ નં. ૧૨માં ભક્તિમય માહોલમાં ‘બટુક ભોજન’નું સુંદર આયોજન
ભગવાન રામેશ્વરના આશીર્વાદ સાથે ખોડિયાર પાર્ક, પટેલ નગર, ન્યુ આલાપ અને તુલસી પાર્કમાં સેવાનો ત્રિવેણી સંગમ રચાયો ભારતીય સંસ્કૃતિમાં મકરસંક્રાંતિના પર્વને મહા દાન અને પુણ્ય કમાવવાના અવસર તરીકે જોવામાં આવે છે. સનાતન વૈદિક પરંપરાને જીવંત રાખતા, આ વર્ષે મોરબીના વોર્ડ નંબર ૧૨માં આવેલા વિવિધ વિસ્તારોમાં ભવ્ય બટુક ભોજન અને સેવાનો કાર્યક્રમ સંપન્ન થયો હતો.
ભગવાન શ્રી રામેશ્વરના આશીર્વાદથી આયોજિત આ સેવા કાર્યક્રમમાં ખોડિયાર પાર્ક, પટેલ નગર, ન્યુ આલાપ તથા તુલસી પાર્ક વિસ્તારના બાળકોને હર્ષોલ્લાસ સાથે બટુક ભોજન કરાવવામાં આવ્યું હતું. મકરસંક્રાંતિ એટલે કે સૂર્યનારાયણના ઉત્તરાયણ ગમનનો પવિત્ર દિવસ, જેને અનુદાનનું મહાપર્વ માનવામાં આવે છે. આ અવસરે સેવાના ભાવ સાથે બાળકોને ભોજન કરાવી સ્થાનિકોએ આધ્યાત્મિક આનંદની અનુભૂતિ કરી હતી.આ કાર્યક્રમને સફળ બનાવવા માટે આસપાસના વિસ્તારના ભક્તો અને અગ્રણીઓએ જહેમત ઉઠાવી હતી. સનાતન ધર્મની પરંપરા મુજબ આયોજિત આ કાર્યક્રમથી સમગ્ર વિસ્તારમાં ભક્તિમય અને ઉત્સાહભર્યું વાતાવરણ જોવા મળ્યું હતું. આ તકે ઉપસ્થિત લોકોએ જણાવ્યું હતું કે, આવા સેવાકીય કાર્યોથી સમાજમાં સમરસતા અને સેવા ભાવના દ્રઢ બને છે.
