MORBI: મોરબીમાં મિલકત વેરા નહીં ભરનાર વઘુ 8 આસામીઓની મિલકત સીલ કરાઈ
મોરબી મહાનગરપાલિકાની હદ વિસ્તારમાં સમાવેશ થતા હોય તેવા મિલકત આસામીઓની મિલકત વેરા શાખા દ્વારા વર્ષ 2025-26 નું વિવિધ પ્રકારનું ટેક્સનું ઉઘરાણું બાકી હોય તેવા બાકીદારો પાસેથી ટેક્સ વસૂલવાની કામગીરી હાથ ધરવામાં આવી હતી, આ કામગીરી દરમિયાન 8 બાકીદારોની મિલકત સીલ કરવામાં આવી છે.
મોરબી મહાનગરપાલિકાની ટેક્સ શાખા દ્વારા 3-01-2026 થી જે મિલકત આસામીઓ દ્વારા મિલકત વેરો ભરપાઈ કરવામાં ન આવ્યો હોય, તેની વોરંટ બજવણી અને સીલીંગ કામગીરી પ્રતિ શુક્રવારે હાથ ધરવામાં આવે છે. આ કામગીરી અંતર્ગત ગઈકાલે કુલ 20 જેટલા બાકીદારોના સ્થળ પર જઈ મિલકત વેરા શાખાના કર્મચારીઓએ વોરંટ બજવણી અને સીલીંગ કામગીરી હાથ ધરી હતી, જેમાં 8 બાકીદારોની મિલકત સીલ કરવામાં આવી છે, અન્ય 6 બાકીદારોએ સ્થળ પર જ રોકડ રકમ તેમજ ચેક દ્વારા મિલકત વેરો ભરપાઈ કરી આપ્યો હતો.
મોરબી મહાનગરપાલિકાની મિલકત વેરા શાખા દ્વારા મિલકત વેરો ભરપાઈ ન કરનાર આસામીઓને વોરંટ તથા સીલીંગની કામગીરી આગામી સમયમાં યથાવત રહેશે, મોરબી મનપા દ્વારા પ્રતિ શુક્રવારે બાકીદારોની જે મિલકત માં વોરંટ બજવણી થઈ હોય અને મિલકત વેરો ભરપાઈ કર્યો ના હોય તેની મિલકત સીલિંગ ની કામગીરી પ્રતિ શુક્રવારે કરવામાં આવશે જેની સર્વે બાકીદારો એ નોંધ લેવી, જે મિલકત ધારકોની મિલકત મોરબી મહાનગરપાલિકાની હદ વિસ્તારમાં આવતી હોય મિલકત વેરો ભરપાઈ કરવાનો બાકી હોય તેમને સત્વરે મિલકત વેરો મોરબી મહાનગરપાલિકા ની મુખ્ય કચેરી ગાંધી ચોક તથા સિવિક સેન્ટરે સવારે 10:30 થી સાંજે 6: 10 તથા 11 ક્લસ્ટર ઓફિસ ખાતે રજાના દિવસો સિવાય સવારે 10:30 થી 1:30 સુધી મિલકત વેરો ભરી શકાશે.
ઉપરાંત હાલ મોરબી મહાનગરપાલિકા વિસ્તારમાં અરજદાર દ્વારા ઓનલાઈન વેબસાઇટ તથા મોબાઈલ એપ્લીકેશનથી વેરો ભરવામાં આવે છે. પ્રોપર્ટી ટેક્સ તથા વ્યવસાયવેરો EC સ્વીકારવાની કામગીરી મહાનગરપાલિકા ઓફિસમાં સમય સવારે 10:30 થી સાંજે 5:00 કલાક સુધી તેમજ મહાનગરપાલિકા દ્વારા હાલે કુલ 11 (અગીયાર) નીચે દર્શાવેલ કલસ્ટર ઓફીસમાં ટેકસ ભરપાઈ કરવામાં આવશે જેમના સ્થળ નીચે મુજબ દર્શાવેલ છે. કલસ્ટર-1 (નાની વાવડી પંચાયત), કલસ્ટર-2 (અમરેલી પંચાયત), કલસ્ટર-૩ (મહેન્દ્રનગર પંચાયત), કલસ્ટર-4 (ભડીયાદ પંચાયત), કલસ્ટર-5 (ત્રાજપર પંચાયત), કલસ્ટર-6 (ગ્રીનચોક લાઈબ્રેરી), કલસ્ટર-7 (વિશ્વકર્મ બાલ મંદિર, વાંકાનેર દરવાજા પાસે), કલસ્ટર-9 (શનાળા ગ્રામપંચાયત), કલસ્ટર-10 (રવા પર ગ્રામ પંચાયત), કલસ્ટર-11 (લીલાપર ગ્રામ પંચાયત) ઓફિસમાં સવારે 10:30 થી સાંજના 04:00 કલાક સુધી વેરા સ્વીકારવામાં આવશે. તેમજ હાલે મહાનગરપાલિકામાં રૂમ નં-9માં POS
મશીન દ્રારા અરજદારનો મિલકતવેરો લેવાનો શરૂ કરેલ છે. મહાનગરપાલિકા વિસ્તારના તમામ મિલકતધારકો/ભોગવટેદારને જાણ કરવામાં આવે છે. તેમજ હાલે ટેકસ શાખા દ્વારા 1200 જેટલા બાકીદારને માંગણા નોટીસ આપવાની કામગીરી શરૂ હોય ટુંક સમયમાં વોરંટ ટેકસ શાખા દ્વારા વોરંટ બજવણી કરી વેરો ન ભરનાર મિલકત ધારકની મિલકત સીલ કરવામાં આવશે. મહાનગરપાલિકાની https://mmcgujarat.in/ વેબસાઈટમાંથી તેમજ હાલ મહાનગરપાલિકાની એપ્લીકેશન ડેવલોપમેન્ટ કરવામાં આવેલ છે. જે એપ્લીકેશન Play Store પર જઈ Morbi Municipal Corporation લખતા મોરબી મહાનગરપાલિકાના લોગો વાળી એપ્લીકેશન ડાઉનલોડ કરી પ્રોપર્ટીટેકસ અને વ્યવસાયવેરોમાં જઈ મિલકત નંબર નાખી ઓનલાઈન મિલકતવેરો અને વ્યવસાયવેરો ઓનલાઈન સરળતાથી ભરી શકાશે. હાલે મોરબી મહાનગરપાલિકા દ્વારા ડેવલોપમેન્ટ કરવામાં આવેલ વેબસાઈટ અને મોબાઈલ એપ્લીકેશન દ્વારા બહોળા પ્રમાણમાં અરજદારો એ પ્રોપર્ટીટેકસ ઓનલાઈન ભરીને વેબસાઈટ અને મોબાઈલ એપ્લીકેશનનો લાભ લીધેલ છે. જેના વેબસાઇટ, મોબાઈલ એપ્લીકેશનના OR કોડ નીચે દર્શાવેલ છે. નાગરિકોને સુવ્યવસ્થિત અને સત્વરે સેવાઓ મળી રહે તે હેતુથી મહાનગરપાલિકા વિસ્તારમાં રહેતા તમામ મિલકતધારકો/ભોગવટેદારને જાહેર અપીલથી જાણ કરવામાં આવેલ છે.
