વાત્સલ્યમ સમાચાર
મદન વૈષ્ણવ-ડાંગ
ડાંગ જિલ્લાનાં ગિરિમથક સાપુતારા ખાતે ઠંડીનાં ચમકારાને પગલે પ્રવાસીઓ સહીત સ્થાનિકો ઠુંઠવાયા હતા.દિવસભર શીત લહેર વ્યાપી જતા બજારો સુમસામ બની ગયા હતા..
મળતી માહિતી મુજબ ગિરિમથક સાપુતારા ખાતે છેલ્લા ત્રણેક દિવસથી બદલાયેલા મૌસમનાં મિજાજને પગલે હાડ થિજાવતી ઠંડીનાં પ્રકોપનાં પગલે સ્થાનિકો સહીત પ્રવાસીઓ ઠુંઠવાતા જોવા મળ્યા હતા. ઠંડીના પ્રકોપથી બચવા લોકો ગરમ વસ્ત્રો ખરીદવા માટે ભારે ભીડ સાથે તાપણા કરી હૂંફ મેળવી રહ્યા હતા.બદલાયેલા મૌસમના મિજાજને પગલે દિવસભર ઠંડીના ચમકારાનાં કારણે બજારો ,માર્ગો સુમસામ બની જવા પામ્યા હતા,પ્રવાસીઓએ પણ હોટલમાં પુરાઈ રહેવાનું મુનાસીબ માન્યુ હતુ.જેના કારણે જનજીવન પર માઠી અસર પહોંચી હતી.છેલ્લા ત્રણેક દિવસથી ઠંડીના ચમકારાને પગલે રાત્રે ઠંડીનો પારો 10 ડિગ્રી પહોંચી ગયો હતો ,જયારે દિવસે 18 ડિગ્રી જેટલું તાપમાન રહેતા લોકો ઠુંઠવાયા હતા..
