અહેવાલ
અરવલ્લી :હિતેન્દ્ર પટેલ
અરવલ્લી : સખી વન સ્ટોપ સેન્ટર અરવલ્લીની નવી પહેલ “સંવાદ એક શરૂઆત ”
ભારત સરકાર દ્વારા પુરસ્કૃત મહિલા અને બાળ વિભાગ દ્વારા સંચાલિત સખી વન સ્ટોપ સેન્ટર ખાતે ઓક્ટોમ્બર -૨૦૨૩ થી ગુજરાત સરકાર દ્વારા ગુજરાત રાજ્યના તમામ સખી વન સ્ટોપ સેન્ટર ખાતે પ્રિ મેરેજ કાઉન્સેલિંગની શરૂઆત કરવામાં આવેલ હતી ત્યારબાદ અત્યારના હાલ ના સમયમાં તૂટતી કૌટુંબિક વ્યવસ્થાને જોતા કેન્દ્ર સરકારના મહિલા બાળ વિકાસ દ્વારા ૮ માર્ચ ૨૦૨૫ ના રોજ તમામ રાજ્યના સખી વન સ્ટોપ સેન્ટર ખાતે વિવાહ પૂર્વે “તેરે મેરે સપને “દ્વારા પ્રિ -મેરેજ કાઉન્સેલિંગ સેન્ટરની શરૂઆત કરવામાં આવેલ છે.
સખી વન સ્ટોપ સેન્ટર અરવલ્લી ખાતે પણ લગ્ન જીવનને સફળ બનાવવા માટે લગ્ન પહેલા નવદંપતી યુગલ જોડીને જીવન જીવવાની કળા અને તેઓની ભૂમિકાઓ સમજાવવામાં આવે છે અને બંને ની અપેક્ષાઓની સમજ આપવામાં આવે છે કાઉન્સેલિંગ દરમ્યાન લગ્ન જીવન પછી આંતરિક અને બાહ્ય જીવનમાં આવતા પરિવર્તનની સમજ આપીને તે પરિવર્તનમાં યોગ્ય સમાયોજન સાધી લગ્ન જીવનને સફળ બનાવવા માટે પરામર્શ ની સુવિધા તેમજ લગ્ન બાદની વિવિધ સરકારની યોજનાઓની તથા મહિલા લક્ષી કાયદાઓ અંગે ની સમજ સખી વન સ્ટોપ સેન્ટર ખાતે પ્રિ મેરેજ કાઉન્સેલિંગ સેન્ટર માં ઉપલબ્ધ કરાવવામાં આવે છે અત્યાર સુધી અરવલ્લી જિલ્લામાં કુલ ૦૩ યુગલોની નોંધણી થયેલ છે.
