WAKANER:વાંકાનેર પોલીસની સરાહનીય કામગીરી: ‘તેરા તુજકો અર્પણ’ કાર્યક્રમ હેઠળ ૨૨ ખોવાયેલા મોબાઈલ પરત કર્યા
WAKANER:વાંકાનેર પોલીસની સરાહનીય કામગીરી: ‘તેરા તુજકો અર્પણ’ કાર્યક્રમ હેઠળ ૨૨ ખોવાયેલા મોબાઈલ પરત કર્યા
વાંકાનેર: “પોલીસ પ્રજાની મિત્ર છે” એ સૂત્રને વાંકાનેર સીટી અને તાલુકા પોલીસે સાર્થક કરી બતાવ્યું છે. તાજેતરમાં “તેરા તુજકો અર્પણ” કાર્યક્રમ અંતર્ગત પોલીસે ટેકનોલોજીનો ઉપયોગ કરી કુલ ૨૨ જેટલા ખોવાયેલા મોબાઈલ ફોન શોધી કાઢી તેના મૂળ માલિકોને પરત સોંપ્યા છે.
ટેકનોલોજીના માધ્યમથી મળી સફળતા વાંકાનેર સીટી તથા તાલુકા પોલીસ સ્ટેશન વિસ્તારમાંથી અનેક અરજદારોના મોબાઈલ ફોન ખોવાઈ જવાની ફરિયાદો મળી હતી. જે સંદર્ભે પોલીસ સ્ટાફને સખત સૂચનાઓ આપવામાં આવી હતી. આ કામગીરીમાં સર્વેલન્સ સ્ટાફે CEIR (Central Equipment Identity Register) પોર્ટલનો અસરકારક ઉપયોગ કર્યો હતો.પોલીસ દ્વારા કરવામાં આવેલી કામગીરીના મુખ્ય અંશો:
સતત મોનીટરીંગ: CEIR પોર્ટલ પર એન્ટ્રી કરી ટેકનિકલ વર્કઆઉટ કરવામાં આવ્યું.કુલ રિકવરી: આશરે રૂ. ૩,૭૨,૧૨૮/- ની કિંમતના ૨૨ મોબાઈલ શોધી કાઢવામાં આવ્યા.: સુરક્ષાની સાથે સાથે લોકોની માલમત્તા પરત અપાવી પોલીસે પ્રશંસનીય કામગીરી કરી છે.
પોતાના વર્ષો જૂના કે કિંમતી મોબાઈલ ફોન પરત મળતા અરજદારોના ચહેરા પર ખુશી જોવા મળી હતી. વાંકાનેર પોલીસની આ જહેમતને કારણે સામાન્ય નાગરિકોમાં પોલીસ પ્રત્યેનો વિશ્વાસ વધુ દ્રઢ બન્યો છે. ડિજિટલ યુગમાં જ્યારે મોબાઈલ ડેટા અને કિંમત બંને અગત્યના છે, ત્યારે પોલીસની આ ‘ટેક-સેવી’ કામગીરી આશીર્વાદરૂપ સાબિત થઈ છે.
