WAKANER:વાંકાનેરની શ્રી કાનપર પ્રાથમિક શાળામાં “રાષ્ટ્રીય વિજ્ઞાન દિવસ”ની શાનદાર ઉજવણી
WAKANER:વાંકાનેરની શ્રી કાનપર પ્રાથમિક શાળામાં “રાષ્ટ્રીય વિજ્ઞાન દિવસ”ની શાનદાર ઉજવણી
તા. ૨૮ ફેબ્રુઆરી, ૨૦૨૬ ના રોજ શ્રી કાનપર પ્રાથમિક શાળા, તાલુકો વાંકાનેર ખાતે ભારત સરકારના ઉપક્રમે ‘રાષ્ટ્રીય વિજ્ઞાન દિવસ’ની ભવ્ય ઉજવણી કરવામાં આવી હતી. મહાન વૈજ્ઞાનિક સર સી. વી. રામનની અમર શોધ “રામન ઇફેક્ટ” ની યાદમાં આયોજિત આ કાર્યક્રમમાં શાળાના વિદ્યાર્થીઓએ પોતાની વૈજ્ઞાનિક પ્રતિભાના દર્શન કરાવ્યા હતા.
બાળ વૈજ્ઞાનિકોએ જમાવ્યું આકર્ષણ શાળાના ધોરણ ૫ થી ૮ ના વિદ્યાર્થીઓ દ્વારા વિજ્ઞાનના વિવિધ નિયમો પર આધારિત પ્રયોગો, કૃતિઓ અને નમૂનાઓનું પ્રદર્શન યોજવામાં આવ્યું હતું. જેમાં મુખ્યત્વે:ભૌતિક વિજ્ઞાન: પ્રકાશનું પરાવર્તન અને વક્રીભવન, પેરિસ્કોપ, ધ્વનિની આવૃત્તિઓ અને સાદું લોલક.
રસાયણ વિજ્ઞાન: હાઈડ્રોજન વાયુની બનાવટ, મેગ્નેશિયમ પટ્ટીનું દહન અને ધાતુમાં વિસ્થાપન પ્રક્રિયા.
વિદ્યુત અને ચુંબકત્વ: વિદ્યુત ઘંટડી, ઉર્જા સંરક્ષણ અને ચુંબકીય ગુણધર્મોની સમજ.પર્યાવરણ અને ભૂગોળ: પૃથ્વીનું ભ્રમણ, જ્વાળામુખીનું મોડેલ અને જમીનની ભેજ ધારણ શક્તિ જેવા ૪૦ થી વધુ પ્રયોગો રજૂ કર્યા હતા.
ગ્રામજનો અને વાલીઓનો પ્રતિસાદ સવારે ૯:૦૦ થી ૧૧:૦૦ દરમિયાન યોજાયેલા આ પ્રદર્શનને નિહાળવા માટે કાનપર ગામના ગ્રામજનો, પંચાયતના સદસ્યો અને SMC ના સભ્યો મોટી સંખ્યામાં ઉમટી પડ્યા હતા. ખેતી અને ઉદ્યોગમાં વ્યસ્ત હોવા છતાં, વાલીઓએ હાજર રહીને બાળકોના પ્રયોગોને રસપૂર્વક નિહાળ્યા હતા અને પ્રોત્સાહન પૂરું પાડ્યું હતું.
સન્માન અને માર્ગદર્શન કાર્યક્રમના અંતે શ્રેષ્ઠ પ્રદર્શન કરનાર વિદ્યાર્થીઓને પ્રમાણપત્ર અને ઇનામો આપી સન્માનિત કરવામાં આવ્યા હતા. આ સમગ્ર કાર્યક્રમનું સફળ આયોજન અને નિર્માણ શાળાના ગણિત-વિજ્ઞાનના શિક્ષક શ્રી શેરસીયા અશરફરજા એ. દ્વારા કરવામાં આવ્યું હતું. શાળાના સમગ્ર સ્ટાફગણે આ કાર્યક્રમને સફળ બનાવવા માટે ભારે જહેમત ઉઠાવી હતી.
