વાંકાનેરના રાતાવિરડા રોડ પરથી ઝડપાયો ‘બોગસ ડોક્ટર’
વાંકાનેર: મોરબી સ્પેશિયલ ઓપરેશન ગ્રુપ (SOG) એ વાંકાનેર તાલુકાના રાતાવિરડા રોડ પર દરોડો પાડીને ડિગ્રી વગર પ્રેક્ટિસ કરતા એક નકલી ડોક્ટરને ઝડપી પાડ્યો છે. લોકોના સ્વાસ્થ્ય સાથે ચેડાં કરતા આ શખ્સ પાસેથી એલોપેથીક દવાઓ અને તબીબી સાધનોનો જથ્થો જપ્ત કરવામાં આવ્યો છે.
મોરબી SOG ટીમને ચોક્કસ બાતમી મળી હતી કે, રાતાવિરડા રોડ પર રોસા સિરામિકની સામે આવેલી એક દુકાનમાં સુરેન્દ્રકુમાર રામનરેશ ગુપ્તા નામનો વ્યક્તિ કોઈપણ માન્ય મેડિકલ ડિગ્રી વગર ડોક્ટર તરીકે પ્રેક્ટિસ કરી રહ્યો છે અને દર્દીઓને એલોપેથીક દવાઓ આપી સારવાર કરી રહ્યો છે.
SOGની કાર્યવાહી અને મુદ્દામાલ બાતમીના આધારે SOG ટીમે PHC ઢુવાના તબીબી અધિકારીને સાથે રાખી સ્થળ પર રેઇડ કરી હતી. તપાસ દરમિયાન ત્યાંથી નીચે મુજબનો મુદ્દામાલ મળી આવ્યો હતો:અલગ-અલગ કંપનીની એલોપેથીક ટેબલેટ, સીરપ અને ક્રીમ.ઇન્જેક્શનો અને અન્ય મેડિકલ સાધનો (સ્ફીગ્મો મેનોમીટર, સ્ટેથોસ્કોપ વગેરે).
કુલ ₹43,100 ની કિંમતની દવાઓ તથા ₹2,000 રોકડા.
કુલ મુદ્દામાલ: ₹45,100.કાયદેસરની કાર્યવાહી
પોલીસે આરોપી સુરેન્દ્રકુમાર ગુપ્તાની અટકાયત કરી તેની વિરુદ્ધ: BNS-2023 ની કલમ-125 ગુજરાત મેડિકલ પ્રેક્ટિશનર એક્ટ કલમ-30 અને 33 મુજબ ગુન્હો નોંધીને વાંકાનેર તાલુકા પોલીસ સ્ટેશનમાં સોંપવામાં આવ્યો છે.
આગળની તપાસ વાંકાનેર તાલુકા પોલીસ ચલાવી રહી છે. આ કામગીરીથી પંથકમાં ડિગ્રી વગર હાટડીઓ ખોલીને બેઠેલા કહેવાતા ડોક્ટરોમાં ફફડાટ વ્યાપી ગયો છે.
